Yoshua 24:32 - BAIBLO ALOO NGMAMI KLƆUKLƆU Ɔ

³² A pu Yosef wuhi nɛ Israel bi ɔmɛ ngɔ kɛ je Egipt kɛ ba a ngɛ Shekem, ngɛ zugba ko nɛ Yakob he ɔ mi. E he zugba nɛ ɔ kɛ sika hiɔ kpɔ lafa ngɛ Shekem tsɛ, Hamor bimɛ ɔmɛ a dɛ. Zugba nɛ ɔ ba pee Yosef nina a weto ní.

Yoshua 24:32 ပူးပေါင်းရင်းမြစ်များ

Mose I, 33:19

E he jamɛ a zugba a ngɛ Shekem tsɛ Hamor dɛ kɛ sika hiɔ yi lafa. Hamor ji nɔ nɛ to Shekem ma a sisi.

Mose I, 48:22

I ngɔ Shekem, zugba nɛ baa ní saminya a kɛ ngɛ mo hae, se pi o nyɛmimɛ ɔmɛ. Klaate kɛ kɛ̃ɛ̃ i kɛ kpɔ zugba nɛ ɔ ngɛ Amor bi ɔmɛ a dɛ.”

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose I, 50:25

Kɛkɛ nɛ Yosef ha nɛ e we bi ɔmɛ ka lɛ kita. E de mɛ ke, “Nyɛɛ wo mi si kaa ke Mawu ba kpaka nyɛ kɛ yaa jamɛ a zugba a nɔ ɔ, nyɛ maa ngɔ ye flɔ̃ ɔ kɛ ho.”

Mose II, 13:19

Mose ngɔ Yosef wuhi kɛ ho; ejakaa Yosef ka Israel bi ɔmɛ kita, nɛ e de mɛ ke, “Bɔ tsuaa bɔ nɛ pee ɔ, Mawu ma ba je nyɛ. Ke jamɛ a be ɔ su ɔ, nyɛɛ ngɔ ye wuhi kɛ je hiɛ ɔ kɛ to dɛ kɛ ho.”

Yohane 4:5

E ba su Samaria ma ko nɛ a tsɛɛ Sikar a. Lejɛ ɔ kɛ zugba kpɔ nɛ Yakob ngɔ ha e bi Yosef ɔ he kɛ we kulaa.

Ni Tsumi 7:15

Kɛkɛ nɛ Yakob pue nɔ kɛ ho Egipt ya. Nɛ lejɛ ɔ e kɛ e bimɛ ɔmɛ tsuo ya gbo ngɛ.

Ni Tsumi 7:16

A ngɔ a gbogbo ɔmɛ kɛ ba Shekem ba pu ngɛ yɔkɔ ko mi. Yɔkɔ nɛ ɔ, Abraham lɛ je sika kɛ he ngɛ Hamor bi ɔmɛ a dɛ.

Hebribi 11:22

Hemi kɛ yemi lɛ ha nɛ benɛ Yosef gbenɔ be su ta a, e tsɔɔ Isarel bi ɔmɛ bɔ nɛ a ma plɛ kɛ je Egipt ha, nɛ e de mɛ bɔ nɛ a pee e gbogboe ɔ hulɔ.