Yoshua 24:31 - BAIBLO ALOO NGMAMI KLƆUKLƆU Ɔ

³¹ Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Yoshua 24:31 ပူးပေါင်းရင်းမြစ်များ

Manyadali 2:7

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo ɔ, a ya nɔ nɛ a sɔmɔ Yawɛ ja nɔuu.

Mose V, 31:13

Ke e pee ja a, nyɛ bimɛ nɛ nui Yawɛ, nyɛ Mawu ɔ mlaa a hyɛ ɔ maa nu, nɛ a maa bu Yawɛ, nyɛ Mawu ɔ; nɛ a maa ye lɛ gbeye a wami ligbi tsuo nɛ́ a maa hi zugba a nɛ nyɛ yaa ngɔ ngɛ Yordan pa a se ɔ nɔ.”

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Mose V, 11:2

Nyɛ kai mwɔnɛ ɔ, níhi nɛ nyɛ kase ngɛ Yawɛ he, bɔ nɛ nyɛ nitsɛmɛ nyɛ kpa lɛ si ha. Tsa pi nyɛ bimɛ, se nyɛ nitsɛmɛ nɛ nyɛ kpa ní nɛ ɔmɛ a si ɔ lɛ e ngɛ dee ɔ nɛ. Nyɛ na kaa Yawɛ kle, e kɔni si wa; e nyɛɔ peeɔ nɔ́ tsuaa nɔ́,

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Ni Tsumi 20:29

I le kaa ke i je ɔ, nihi ma ba sɛ nyɛ kpɛti, nɛ a maa pee a ní kaa ogbetee ní hali; a be asafo ɔ yi bae.

Kronika II, 24:2

Yoash pee Yawɛ suɔmi nya ní, be mi nɛ osɔfo Yehoyada ngɛ je mi ɔ.

Mose V, 11:7

Niinɛ, nyɛ nitsɛmɛ nyɛ na ní nguanguahi tsuo nɛ Yawɛ tsu ɔ kɛ nyɛ hɛngmɛ.

Mose I, 14:10

Muɔhi nɛ amã ngɛ a mi babauu ngɛ Sidim Kɔ̃ ɔ mi, nɛ benɛ Sodom kɛ Gomora matsɛmɛ ɔmɛ ngɛ fo tue ngɛ ta a nya a, a nɔɔ muɔ ɔmɛ a mi; se matsɛmɛ etɛ ɔmɛ nɛ piɛ ɔ, mɛ lɛɛ a tu fo kɛ ho yoku ɔmɛ a nɔ ya.

Manyadali 2:6

Jehanɛ, Yoshua wo ma a blɔ, nɛ Israel bi ɔmɛ a ti nɔ tsuaa nɔ ho konɛ e ya ngɔ zugba a nɛ ji lɛ nitsɛ e weto ní ɔ.

Manyadali 2:10

Jamɛ a yi nɔ bi ɔmɛ tsuo kulaa hu ba gbo. Nɛ yi nɔ kpa bimɛ nɛ ba ngɛ a se ɔ, mɛɛ lɛɛ a li Yawɛ, kɛ ní tsumi nɛ e tsu ha Israel ɔ.

Kronika II, 34:33

Matsɛ Yosia je amagahi tsuo kɛ je zugba a nɔ he nɛ Israel ma a ngɛ ɔ, nɛ e ha nɛ ma a tsuo sɔmɔ Yawɛ, a nɛmɛ a Mawu ɔ e wami be ɔ tsuo.