Yoshua 24:27 - BAIBLO ALOO NGMAMI KLƆUKLƆU Ɔ

²⁷ E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”

Yoshua 24:27 ပူးပေါင်းရင်းမြစ်များ

Hiob 31:23

Se akɛnɛ i yeɔ Mawu Hewamitsɛ ɔ tue gblami ɔ gbeye he je ɔ, i be nyɛe ma pee nɔ́ ko kaa ja.

Hiob 31:28

Nɔ́ nɛ ɔ hu maa pee yayami nɛ sa kaa kojoli nɛ a gbla nɔ tue ngɛ he. Ke i pee ja a, kɛkɛ i kua Mawu nɛ ngɛ hiɔwe ɔ.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Yesaya 1:2

Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Habakuk 2:11

Tɛhi nɛ a kɛ fia gbogbo po ma kpa ngmlaa kɛ wo nyɛ, nɛ akpale ɔmɛ hu ma he nɔ.

Mose IV, 11:20

Se mohu, nyɛ maa ye de lo nyɔhiɔ mluku kɛ yaa si be nɛ e maa je kpo ngɛ nyɛ gugwɔ puɔ mi, nɛ e maa gbe nyɛ nya. Ejakaa nyɛ kua Yawɛ nɛ ngɛ nyɛ kpɛti ngɛ hiɛmɛ nɛ ɔ, nɛ nyɛ wo yana nɛ nyɛ bi ke mɛni he je nɛ a ha nyɛ je Egipt mɔ?’ ”

Mateo 10:33

Se nɔ tsuaa nɔ nɛ ma kua mi ngɛ nimli a hɛ mi ɔ, imi hu ma kua lɛ ngɛ Tsaatsɛ nɛ ngɛ hiɔwe ɔ hɛ mi.

Luka 19:40

Yesu he nɔ ke, “I ngɛ nyɛ dee ke, ke ni nɛ ɔmɛ ma a nya a, tɛhi tete ma hwɔ lele.”

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Mose V, 31:19

“Jehanɛ, ngmaa la nɛ ɔ, nɛ o tsɔɔ Israel ma a, konɛ e pee odase kɛ si mɛ.

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose V, 31:26

“Nyɛɛ ngɔ Mawu mlaa womi nɛ ɔ nɛ nyɛ ngɔ to Yawɛ, nyɛ Mawu ɔ somi daka a kasa nya, nɛ e hi lejɛ ɔ, nɛ e ye odase kɛ si ma a.

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Yoshua 22:34

Ruben bi ɔmɛ, kɛ Gad bi ɔmɛ de ke, “Bɔ sami la tɛ nɛ ɔ ji odase ha wɔ, kɛ nyɛ tsuo, kaa Yawɛ ji Mawu.” Lɔ ɔ he ɔ, a wo bɔ sami la tɛ ɔ biɛ ke “Odase”.

Yoshua 24:28

Jehanɛ, Yoshua wo ma a blɔ, nɛ nɔ tsuaa nɔ kpale kɛ ho lɛ nitsɛ e tita nɔ ya.

Kpojemi 3:8

I le ní nɛ o tsuɔ. I le kaa o he wɛ tsɔ; se o yeɔ ye mlaa amɛ a nɔ, nɛ o yeɔ mi anɔkuale. Hyɛ, i bli sinya ko ngɔ fɔ si ngɛ o hɛ mi, nɛ nɔ ko nɔ ko be nyɛe ma nga.

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”