Yoshua 24:18 - BAIBLO ALOO NGMAMI KLƆUKLƆU Ɔ

¹⁸ Yawɛ fie je ma amɛ, kɛ Amor bi ɔmɛ tsuo nɛ ngɛ zugba a nɔ ɔ kɛ je wa blɔ mi. Lɔ ɔ he ɔ, wɔ hu Yawɛ lɛ wa ma sɔmɔ; lɛ ji wa Mawu.”

Yoshua 24:18 ပူးပေါင်းရင်းမြစ်များ

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Ni Tsumi 7:45

Benɛ wa nɛmɛ ɔmɛ a nine su nɔ ɔ, a kɛ Yoshua hɛɛ lɛ kɛ ba je ma amɛ a zugba a nɔ. Zugba nɛ ɔ nɔ nɛ Mawu fie je ma amɛ kɛ je ha wa nɛmɛ ɔmɛ. Hiɛ ɔ bo tsu ɔ hi kɛ ba su David be ɔ mi.

Mose V, 10:21

Nyɛ je e yi; lɛ ji nyɛ Mawu ɔ nɛ. Lɛ ji nɔ nɛ tsu ní nguanguahi nɛ ngɛ gbeye, nɛ nyɛ na kɛ nyɛ nitsɛmɛ nyɛ hɛngmɛ ɔ nɛ.

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Yoshua 23:9

Yawɛ fie je ma nguahi nɛ a he wa kɛ je nyɛ blɔ mi, nɛ a ti nɔ ko nɔ ko nyɛ we nyɛ.

Yoshua 24:17

Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,