Yoshua 24:17 - BAIBLO ALOO NGMAMI KLƆUKLƆU Ɔ

¹⁷ Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Yoshua 24:17 ပူးပေါင်းရင်းမြစ်များ

Kronika II, 13:10

“Se wɔɔ lɛɛ Yawɛ ji wa Mawu; wa kua we lɛ. Wa ngɛ osɔfohi nɛ ji Aaron nina nɛ sɔmɔɔ Yawɛ, kɛ Levi bi nɛ piɛɔ a he kɛ tsuɔ ní.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Yesaya 46:4

Imi nɔuu ji nyɛ Mawu nɛ maa hyɛ nyɛ nɔ kɛ ya su be nɛ nyɛ maa wa nɛ nyɛ maa puɛ mua. Imi lɛ i bɔ nyɛ; ma baa nyɛ yi; ma piɛ nyɛ he, nɛ ma he nyɛ yi wami.

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Mose V, 7:19

Nyɛ kai gbenɔ hiɔhi nɛ a nya wa nɛ nyɛ na kɛ nyɛ hɛngmɛ ɔ. Nyɛ kai okadihi, kɛ nyakpɛ níhi nɛ Yawɛ, nyɛ Mawu ɔ kɛ kɔni si wami pee kɛ kpɔ̃ nyɛ ɔ. Bɔ nɛ Yawɛ kpata Egipt bi ɔmɛ a hɛ mi ɔ, jã kɛ̃ e maa pee je ma amɛ tsuo nɛ nyɛ ngɛ mɛ gbeye yee ɔ.

Yoshua 24:16

Ma a he nɔ ke, “Wa be Yawɛ sie nɛ wa ya sɔmɔ mawu kpahi!

Yoshua 24:18

Yawɛ fie je ma amɛ, kɛ Amor bi ɔmɛ tsuo nɛ ngɛ zugba a nɔ ɔ kɛ je wa blɔ mi. Lɔ ɔ he ɔ, wɔ hu Yawɛ lɛ wa ma sɔmɔ; lɛ ji wa Mawu.”