Yoshua 24:16 - BAIBLO ALOO NGMAMI KLƆUKLƆU Ɔ

¹⁶ Ma a he nɔ ke, “Wa be Yawɛ sie nɛ wa ya sɔmɔ mawu kpahi!

Yoshua 24:16 ပူးပေါင်းရင်းမြစ်များ

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 3:6

Dɛbi! Ke Mawu yi dami sane ɔ, kɛ maa pee kɛɛ nɛ e maa kojo je ɔ?

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Yoshua 24:17

Yawɛ, wa Mawu ɔ lɛ je wɔ, kɛ wa nɛmɛ ɔmɛ kɛ je nyɔguɛ yemi mi ngɛ Egipt, nɛ wa na nyakpɛ níhi nɛ e pee ɔ. E baa wa yi, nɛ e je wɔ kɛ je wa he nyɛli ɔmɛ a dɛ mi ngɛ he tsuaa he nɛ wa gu ɔ.

Yoshua 22:29

Wa be Yawɛ hɛ mi atuã tsɔe kɔkɔɔkɔ, nɛ wa be e se jee gblegbleegble kɛ ya ma bɔ sami la tɛ kpa ko nɛ waa sã sami bɔ, loo niye ní bɔ, loo bɔ kpa ko ngɛ nɔ. Wa be bɔ sami la tɛ kpa ko mae kɛ piɛ Yawɛ, wa Mawu ɔ bɔ sami la tɛ ɔ nɛ ngɛ kpe he bo tsu ɔ hɛ mi ɔ he.”

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.