Yoshua 24:11 - BAIBLO ALOO NGMAMI KLƆUKLƆU Ɔ

¹¹ Nyɛ po Yordan pa a, nɛ nyɛ ba Yeriko. Yeriko bi ɔmɛ kɛ nyɛ hwu ta kaa bɔ nɛ Amor, Periz, Kanaan, Hit, Girgash, Hiv, kɛ Yebus bi ɔmɛ tsuo hu kɛ nyɛ hwu ta a. Se i ha nyɛ ye mɛ tsuo a nɔ.

Yoshua 24:11 ပူးပေါင်းရင်းမြစ်များ

Mose I, 15:19

Ken bi, Keniz bi, Kadmon bi,

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

La 114:3

Wo Tsu ɔ na mɛ, nɛ e tu fo; Yordan pa a hu se po.

La 114:5

Mo wo, mɛni ba nɛ o tu fo ɔ? Yordan, mɛni ha o se po ɔ?

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose II, 23:28

Ma ha nɛ adodongmatsihi maa nyɛɛ o hɛ mi, nɛ a maa fie Hiv bi, Kanaan bi, kɛ Hit bi ɔmɛ kɛ je o blɔ ɔ nɔ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mose II, 3:17

nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Mose II, 33:2

Ma tsɔ bɔfo ko kɛ nyɛɛ o hɛ mi, nɛ ma fie Kanaan bi, Amor bi, Hit bi, Periz bi, Hiv bi, kɛ Yebus bi ɔmɛ tsuo kɛ je blɔ ɔ nɔ,

Ni Tsumi 13:19

E kpata je ma kpaago a hɛ mi ngɛ Kanaan zugba a nɔ, nɛ e dla zugba a ngɔ ha e ma a, konɛ e pee a nɔ́.

Ni Tsumi 7:45

Benɛ wa nɛmɛ ɔmɛ a nine su nɔ ɔ, a kɛ Yoshua hɛɛ lɛ kɛ ba je ma amɛ a zugba a nɔ. Zugba nɛ ɔ nɔ nɛ Mawu fie je ma amɛ kɛ je ha wa nɛmɛ ɔmɛ. Hiɛ ɔ bo tsu ɔ hi kɛ ba su David be ɔ mi.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Yoshua 4:1

Benɛ ma a tsuo po Yordan pa a ta a, Yawɛ de Yoshua ke,

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Yoshua 4:23

ejakaa Yawɛ, nyɛ Mawu ɔ, ha Yordan nyu ɔ mii kɛ ya su be nɛ nyɛ po pa a ta, kaa bɔ nɛ Yawɛ, nyɛ Mawu ɔ ha nɛ Wo Tsu ɔ hu mii kɛ ya su be nɛ nyɛ po ɔ.

Yoshua 9:2

Matsɛmɛ nɛ ɔmɛ tsuo bua a he nya, nɛ a so konɛ a kɛ Yoshua kɛ Israel nɛ hwu ta.