Yoshua 23:9 - BAIBLO ALOO NGMAMI KLƆUKLƆU Ɔ

⁹ Yawɛ fie je ma nguahi nɛ a he wa kɛ je nyɛ blɔ mi, nɛ a ti nɔ ko nɔ ko nyɛ we nyɛ.

Yoshua 23:9 ပူးပေါင်းရင်းမြစ်များ

Matsɛmɛ I, 21:26

E pee ní hiemi níhi babauu; e ja amagahi kaa bɔ nɛ Amor bi ɔmɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.)

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose II, 23:30

I ma hi mɛ fie bɔɔ bɔɔ bɔɔ kɛ je o blɔ nɔ kɛ yaa si be nɛ nyɛ he maa hiɛ, nɛ nyɛ nine maa su zugba a nɔ.

Ni Tsumi 7:45

Benɛ wa nɛmɛ ɔmɛ a nine su nɔ ɔ, a kɛ Yoshua hɛɛ lɛ kɛ ba je ma amɛ a zugba a nɔ. Zugba nɛ ɔ nɔ nɛ Mawu fie je ma amɛ kɛ je ha wa nɛmɛ ɔmɛ. Hiɛ ɔ bo tsu ɔ hi kɛ ba su David be ɔ mi.

Mose V, 11:23

Kɛkɛ ɔ, Yawɛ maa fie jamɛ a je ma amɛ tsuo nɛ a he wa pe nyɛ ɔ kɛ je zugba amɛ a nɔ ha nyɛ.

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 15:14

Kaleb fie Anak binyumu etɛ ɔmɛ kɛ je ma a mi. Mɛ ji Sheshai, Ahiman, kɛ Talmai.

Yoshua 23:5

Yawɛ, nyɛ Mawu ɔ ma ha nyɛ he nyɛli ɔmɛ maa gbee senyasenya; nɛ e maa fie mɛ kɛ je nyɛ blɔ mi. Nyɛ maa ngɔ a zugba a kaa bɔ nɛ Yawɛ, nyɛ Mawu ɔ wo nyɛ si ɔ.

Yoshua 23:8

Mohu ɔ, nyɛɛ ye Yawɛ anɔkuale, kaa bɔ nɛ nyɛ ye lɛ anɔkuale kɛ ba su mwɔnɛ ɔ.

Yoshua 24:18

Yawɛ fie je ma amɛ, kɛ Amor bi ɔmɛ tsuo nɛ ngɛ zugba a nɔ ɔ kɛ je wa blɔ mi. Lɔ ɔ he ɔ, wɔ hu Yawɛ lɛ wa ma sɔmɔ; lɛ ji wa Mawu.”