Yoshua 23:7 - BAIBLO ALOO NGMAMI KLƆUKLƆU Ɔ

⁷ bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

Yoshua 23:7 ပူးပေါင်းရင်းမြစ်များ

Matsɛmɛ II, 17:12

A ja amagahi nɛ Yawɛ wo mɛ mlaa ke a ko ja mɛ ɔ.

Matsɛmɛ II, 5:18

Lɔ ɔ he ɔ, i heɔ yeɔ kaa ke i nyɛɛ ye nyɔmtsɛ matsɛ se kɛ ya Siria mawu ɔ nɛ a tsɛɛ Rimon ɔ we ɔ, nɛ i ya ja lɛ ɔ, Yawɛ kɛ nɔ́ nɛ ɔ maa pa mi. Niinɛ, Yawɛ kɛ maa pa mi.”

Kronika II, 7:19

Se ke mo, loo o nina jɔɔ ye se nyɛɛmi; ke nyɛ yi mlaa amɛ nɛ i wo nyɛ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi ɔ,

La 16:4

Nihi nɛ a he sɔɔ kɛ ya nyɛɛɔ mawu kpahi a se ɔ, a haomi maa hiɛ babauu. I be mɛ futue kɛ pee a tɛlimi kusumi ɔmɛ; i be a biɛ ta woe tete.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Abɛ Womi 4:14

Koo ya he nɛ yayami peeli ngɛ. Ko ya nyɛɛ yiwutsotsɛmɛ a se.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Mose IV, 32:38

Nebo, Baal Meon (a tsake biɛ nɛ ɔ), kɛ Sibma. Nɛ a wo mahi nɛ a po ɔ biɛ kpahi.

Mose IV, 33:55

Se ke nyɛ fie we zugba a nɔ bi ɔmɛ kɛ ji zugba a nɔ ɔ, lɛɛ ni nɛmɛ nɛ maa tlɔ si ɔ maa pee kaa zezle mio nɛ gbɔ nyɛ hɛngmɛ mi, loo ha tso mio nɛ gbɔ nyɛ kasa nya; a maa hao nyɛ ngɛ zugba a nɔ he nɛ nyɛ ngɛ ɔ.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Mose V, 6:14

Nyɛ ko ya nyɛɛ je ma amɛ nɛ bɔle nyɛ ɔ a mawu ɔmɛ a se.

Yoshua 23:12

Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,

Yoshua 23:8

Mohu ɔ, nyɛɛ ye Yawɛ anɔkuale, kaa bɔ nɛ nyɛ ye lɛ anɔkuale kɛ ba su mwɔnɛ ɔ.