Yoshua 23:16 - BAIBLO ALOO NGMAMI KLƆUKLƆU Ɔ

¹⁶ Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 23:16 ပူးပေါင်းရင်းမြစ်များ

Matsɛmɛ I, 14:15

Yawɛ maa gbla Israel tue, nɛ Israel ma mimiɛ kaa ngɔwu ngɛ pa mi. Yawɛ maa hia Israel ma a kɛ je zugba kpakpa nɛ ɔ nɛ e ngɔ kɛ ha a nɛmɛ ɔmɛ ɔ nɔ, nɛ e maa gbɛ mɛ ngɔ fĩa kɛ yaa si Yufrate pa a se. Yawɛ maa pee enɛ ɔ, ejakaa a ya puɛ amagahi ngɔ ha a yo mawu Ashera a, nɛ a kɛ nɔ́ nɛ ɔ wo lɛ, Yawɛ ɔ mi mi la.

Matsɛmɛ I, 9:6

Se ke mo, loo o nina jɔɔ ye se nyɛɛmi, ke nyɛ yi mlaa amɛ nɛ i wo nyɛ ɔ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi nɛ nyɛ ja mɛ ɔ,

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Mose IV, 33:56

Ke e ba mi ja a, lɛɛ bɔ nɛ i to ke ma pee mɛ ɔ, ma pee nyɛ hu ja nɔuu.”

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Mose V, 6:15

Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 2:20

Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Samuel I, 12:25

Se ke nyɛ tsa nɔ pee yayami ɔ, lɛɛ e ma kpata nyɛɛ kɛ nyɛ matsɛ ɔ tsuo nyɛ hɛ mi.”