Yoshua 23:14 - BAIBLO ALOO NGMAMI KLƆUKLƆU Ɔ

¹⁴ “Jehanɛ, ye gbenɔ be su. Nyɛ ti nɔ tsuaa nɔ le ngɛ e tsui mi, kɛ e klaa mi kaa Yawɛ, nyɛ Mawu ɔ ha nyɛ ní kpakpa amɛ tsuo nɛ e wo si ke e ma ha nyɛ ɔ. E ye e si womi ɔmɛ tsuo kulaa nɔ; e si we eko.

Yoshua 23:14 ပူးပေါင်းရင်းမြစ်များ

Mose I, 47:29

Benɛ Yakob gbenɔ be su ɔ, e tsɛ e bi Yosef, nɛ e de lɛ ke, “Ke o suɔ nɛ o sa ye hɛ mi ɔ, ngɔɔ o nine kɛ wo ye fiɔ enyɔ ɔmɛ a kpɛ, nɛ o ka mi kita kaa o maa ye mi anɔkuale, nɛ o be mi pue ngɛ Egipt zugba a nɔ.

Matsɛmɛ I, 2:2

“Ye gbenɔ be su ta. O he nɛ wa, nɛ o pee kã,

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Fiɛlɔ 12:5

Nɔ́ kuɔmi maa wo o he gbeye, nɛ nyɛɛmi maa pee mo ahuto. O yi bwɔmi ma hiɛ futafuta. O maa nyɛɛ blɛuu blɛuu kaa angmɛɛtɛ nɛ ngɛ si sãe, nɛ o he mi akɔnɔ tsuo se maa po. Wa yaa wa nyagbe he jɔɔmi he ɔ, nɛ a maa wo yana ngɛ blɔ ɔmɛ a mi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Luka 21:33

Hiɔwe kɛ zugba maa be kɛ ho, se ye munyu ɔmɛ lɛɛ a maa hi si daa.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.