Yoshua 23:13 - BAIBLO ALOO NGMAMI KLƆUKLƆU Ɔ

¹³ nyɛ na nɛ nyɛɛ le kaa, ke nyɛ hia kɛ yaa a, Yawɛ, nyɛ Mawu ɔ be je ma nɛ ɔmɛ fiee kɛ je nyɛ blɔ mi hu. Mohu ɔ, nyɛ he nyɛli ɔmɛ maa pee kaa klama ko nɛ a tsɔ nyɛ, loo muɔ nɛ a tsua ngɛ nyɛ sisi. A maa pee kaa kpa nɛ a kɛ ngɛ nyɛ se mi fiae, nɛ maa sãã nyɛ, loo mio nɛ ngɛ nyɛ hɛngmɛ mi gbɔɔe. Nɔ́ nɛ ɔ ma tsa nɔ kɛ yaa si be nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ Yawɛ, nyɛ Mawu ɔ ngɔ ha nyɛ ɔ nɔ.

Yoshua 23:13 ပူးပေါင်းရင်းမြစ်များ

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 25:21

Babilonia matsɛ ɔ fia mɛ ní nɛ e gbe ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Matsɛmɛ II, 25:26

Enɛ ɔ se ɔ, Israel bi ɔmɛ tsuo, ohiatsɛmɛ, niatsɛmɛ, kɛ asafoatsɛmɛ ɔmɛ je kɛ ho Egipt ya; ejakaa a ngɛ Babilonia bi ɔmɛ gbeye yee.

La 69:22

Ke a tsɛ ní yemi, loo a sã bɔ ngɛ nyami ligbi nɔ ɔ, ha nɛ e plɛ pee klama nɛ ma kpata a hɛ mi.

Mose II, 10:7

Farao ɔ tsɔli ɔmɛ de lɛ ke, “Mɛni be po nyumu nɛ ɔ maa jɔɔ wɔ haomi? Ha nɛ e ni ɔmɛ nɛ a ho nɛ a ya ja Yawɛ, a Mawu ɔ. Anɛ o nɛ kɛ mwɔɔ kaa Egipt hɛ mi ngɛ kpatae lo?”

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Ezekiel 28:24

Yawɛ ke, “Je ma amɛ nɛ bɔle Israel kɛ kpe nɛ a pue e hɛ mi si ɔ, ekoeko be e he pee kaa mio, loo mio tso kɛ plaa Israel hu. Kɛkɛ ɔ, a maa le kaa imi ji Nyɔmtsɛ Yawɛ.”

Mose IV, 33:55

Se ke nyɛ fie we zugba a nɔ bi ɔmɛ kɛ ji zugba a nɔ ɔ, lɛɛ ni nɛmɛ nɛ maa tlɔ si ɔ maa pee kaa zezle mio nɛ gbɔ nyɛ hɛngmɛ mi, loo ha tso mio nɛ gbɔ nyɛ kasa nya; a maa hao nyɛ ngɛ zugba a nɔ he nɛ nyɛ ngɛ ɔ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mose V, 29:28

Yawɛ mi mi wo la wawɛɛ nitsɛ, nɛ e kɛ mi mi la nɛ nya wa nɛ ɔ hia mɛ kɛ je a zugba a nɔ, nɛ e sake mɛ ngɔ pue ma se zugba ko nɔ, nɛ lejɛ ɔ a ngɛ kɛ mwɔɔ.’

Mose V, 30:18

lɛɛ i ngɛ nyɛ dee mwɔnɛ ɔ ke ma kpata nyɛ hɛ mi. Zugba nɛ ngɛ Yordan pa a se nɛ nyɛ yaa ngɔ ɔ, nyɛ se be kɛe ngɛ nɔ.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

2 Timoteo 2:26

Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.

Manyadali 2:21

kɛ je mwɔnɛ ɔ kɛ yaa a, je ma amɛ nɛ piɛ benɛ Yoshua gbo ɔ, i be mɛ fiee kɛ je zugba a nɔ.