Yoshua 23:12 - BAIBLO ALOO NGMAMI KLƆUKLƆU Ɔ

¹² Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,

Yoshua 23:12 ပူးပေါင်းရင်းမြစ်များ

Mose I, 2:24

Enɛ ɔ he je nɛ nyumu siɔ e tsɛ kɛ e nyɛ, nɛ e ngɔɔ e he ya mɛtɛɛ e yo he nɛ a peeɔ nɔ kake ɔ nɛ.

Mose I, 34:3

Shekem na Dina he bua jɔmi; e suɔ lɛ saminya, nɛ e kɛ lɛ sɛɛ ni.

Matsɛmɛ I, 11:2

E ngɔ yi nɛ ɔmɛ, pohu Yawɛ wo Israel bi ɔmɛ mlaa ke Israel nyumuhi kó ngɔ ma se yihi, nɛ́ Israel yihi hu kó gba ma se nyumuhi; ejakaa ke a pee ja a, a yi mi ma plɛ, nɛ a ma ya nyɛɛ mawu kpahi a se.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 36:3

Munyu yaya, kɛ lakpa sɔuu lɛ jeɔ e nya mi. E li nɔ́ hu; e pa pee we kpakpa hu.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Ezekiel 18:24

“Se ke nɔ nɛ peeɔ nɔ́ nɛ da jɔɔ kpakpa peemi, nɛ e bɔni ní hiemi níhi tsuo nɛ yayami peeli peeɔ peemi ɔ, anɛ e yi ma na wami lo? Dɛbi, kpakpa nɛ e pee sa a tsuo a be ekoeko kaie hu. E ma gbo ngɛ e tɔmi nɛ e tɔ, kɛ yayamihi nɛ e pee ɔ a he.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Yohane 6:66

Jehanɛ ɔ, munyu nɛ ɔmɛ a he je ɔ, Yesu se nyɛɛli ɔmɛ a ti nihi babauu kpale a se, nɛ a kɛ lɛ nyɛɛ we hu.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Mose V, 6:15

Yawɛ, nyɛ Mawu ɔ nɛ kɛ nyɛ nyɛɛ ɔ, a kɛ lɛ plee we nɔ́ he. Lɔ ɔ he ɔ, ke nyɛ ya nyɛɛ mawu kpahi a se ɔ, e mi mi ma fu nyɛ, nɛ e ma kpata nyɛ hɛ mi pɛsɛpɛsɛ kaa bɔ nɛ la sãã nɔ́ ɔ.

Mose V, 7:3

Nyɛ ko ngɔ nyɛ biyi ɔmɛ ngɔ ha a binyumu ɔmɛ gba; nɛ nyɛ ko ha nyɛ binyumu ɔmɛ hu ya ngɔ a biyi ɔmɛ.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.

Yoshua 23:11

Lɔ ɔ he ɔ, nyɛɛ hyɛ saminya, nɛ nyɛɛ suɔ Yawɛ, nyɛ Mawu ɔ.

1 Yohane 2:9

Ke nɔ ko de ke e ngɛ Kristo mi, se e sume e nyɛmi ɔ, lɛɛ e ngɛ diblii ɔ mi, kɛ mwɔɔ.

Manyadali 14:3

Se e tsɛ kɛ e nyɛ bi lɛ ke, “Anɛ yo ko yo ko be o nyɛmimɛ ɔmɛ a biyi ɔmɛ, kɛ wa ma mi bi ɔmɛ tsuo a kpɛti, loko o yaa ngɔ yo ngɛ Filisti bi mɔmlɔtɔtsɛmɛ nɛ ɔmɛ a kpɛti ɔ?” Samson de e tsɛ ɔ ke, “Yaa nɛ o ya bi e si ha mi, ejakaa i suɔ lɛ.”

Manyadali 3:6

A ngɔ ma je li ɔmɛ a biyihi, nɛ mɛ hu a kɛ a biyihi ha ma je li ɔmɛ a binyumuhi; nɛ a sɔmɔ a mawu ɔmɛ.