Yoshua 23:1 - BAIBLO ALOO NGMAMI KLƆUKLƆU Ɔ

¹ Be saii se ɔ, Yawɛ ha Israel tue mi jɔmi, nɛ a he nyɛli ɔmɛ nɛ bɔle mɛ ɔ doo we a nya hu. Jamɛ a be ɔ mi ɔ, Yoshua bwɔ kotokoto.

Yoshua 23:1 ပူးပေါင်းရင်းမြစ်များ

Matsɛmɛ I, 1:1

Jehanɛ Matsɛ David ba bwɔ kotokoto, nɛ a kɛ kuutuhi haa e he; se kɛ̃ ɔ, fĩɛ yee lɛ.

Kronika I, 23:25

David de ke, “Yawɛ, Israel Mawu ɔ ha e ma a tue mi jɔmi, nɛ lɛ nitsɛ e maa hi Yerusalem daa.

Kronika I, 27:1

A dla Israel tabo ɔ kɛ wo asafo kuu nyɔngma kɛ enyɔ mi. Asafo kuu tsuaa asafo kuu mi ɔ, nyumuhi akpe nyingmi enyɔ kɛ eywiɛ ngɛ mi, kɛ a nya asafoatsɛmɛ, kɛ ma ní tsuli nikɔtɔmahi, kɛ a we bi. Daa jeha a, asafo kuu kake kɛ a we asafoatsɛ ya tsuɔ ní nyɔhiɔ kake. Asafo kuu ɔmɛ, kɛ a we asafoatsɛmɛ ɔmɛ ji nɛ ɔmɛ nɛ:

Kronika II, 14:1

Matsɛ Abiya ba gbo, nɛ a pu lɛ ngɛ David ma a mi, nɛ e bi Asa ba ye tsɛ ngɛ e se. Asa yi nɔ ɔ, tue mi jɔmi ba zugba a nɔ jeha nyɔngma.

Kronika II, 14:5

Akɛnɛ e gbɛ jami he ɔmɛ, nɛ e je tsopa kɛ e he via bɔ sami la tɛ ɔmɛ kɛ je Yuda ma amɛ tsuo a mi he je ɔ, e yi nɔ jɔ.

Kronika II, 20:30

Yehoshafat ye matsɛ ngɛ tue mi jɔmi mi, ejakaa e Mawu ɔ ha lɛ he jɔmi ngɛ he tsuaa he kɛ bɔle si.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Yesaya 63:14

Yawɛ ha e ma a he jɔmi. Bɔ nɛ ke a kpaka na kɛ ya kɔ̃ mi nɛ e naa niye ní kpakpa nɛ e yeɔ ɔ, jã Yawɛ kpaka e ma a saminya, nɛ e kɛ na biɛ kpakpa kɛ hɛ mi nyami.

Mose V, 31:2

“Amlɔ nɛ ɔ, i ye jeha lafa kɛ nyingmi enyɔ, nɛ i be nyɛe ma pee nyɛ hɛ mi nyɛɛlɔ hu. Jehanɛ hu, Yawɛ de mi ke, i be Yordan pa a poe.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 13:1

Jehanɛ, benɛ Yoshua ba bwɔ kotokoto ɔ, Yawɛ de lɛ ke, “O bwɔ lɛɛ, se zugba nɛ piɛ nɛ o maa ngɔ ɔ hiɛ babauu.

Yoshua 21:44

Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Samuel I, 12:2

Amlɔ nɛ ɔ, lɛ nɛ e maa nyɛɛ nyɛ hɛ mi. Imi lɛɛ i bwɔ, nɛ ye yi bwɔmi hiɛ futaa, nɛ ye binyumuhi ngɛ nyɛ kpɛti. I nyɛɛ nyɛ hɛ mi kɛ je ye nihe mi kɛ ba si mwɔnɛ ɔ.