Yoshua 22:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.

Yoshua 22:9 ပူးပေါင်းရင်းမြစ်များ

Samuel II, 2:9

Abner ya wo lɛ matsɛ ngɛ lejɛ ɔ kɛ ha Gilead, Asher, Yezreel, Efraim, Benyamin, kɛ Israel ma amɛ nɛ piɛ ɔ tsuo.

Kronika I, 5:9

A ngɛ lohwe babauu ngɛ Gilead zugba a nɔ; lɔ ɔ he ɔ, a hi Gilead beleku je ɔ kɛ ya si nga a nɔ, kɛ Yufrate pa a nya.

La 60:7

Ye mahi ji Gilead, kɛ Manase. Efraim ji ye dade pɛɛ, nɛ Yuda ji ye matsɛ tso.

Mose IV, 32:1

Ruben bi ɔmɛ, kɛ Gad bi ɔmɛ ngɛ lohwehi babauu nitsɛ. Benɛ a na kaa Yazer zugba a, kɛ Gilead zugba a hi ha lohwe lɛmi ɔ,

Mose IV, 32:20

Mose ha mɛ heto ke, “Ke nyɛ maa ye nyɛ si womi ɔ nɔ, nɛ nyɛ maa mia kɛ nyɛɛ Yawɛ hɛ mi kɛ ya ta a,

Mose IV, 32:22

nɛ e ma kpɔ zugba a, lɛɛ ke nyɛ kpale nyɛ se kɛ ba a, nyɛ maa ye bemi ngɛ Yawɛ kɛ Israel ma a hɛ mi; nɛ zugba nɛ ɔ maa pee nyɛ blɔ fa mi nɔ́ nɛ Yawɛ ngɔ ha nyɛ.

Mose IV, 32:26

Wa bimɛ tsɔwi ɔmɛ, wa yi ɔmɛ, kɛ wa to ɔmɛ, kɛ wa lohwe kpa amɛ maa hi Gilead ma amɛ a mi ngɛ hiɛmɛ nɛ ɔ;

Mose IV, 32:29

nɛ e de mɛ ke, “Ke Gad bi ɔmɛ, kɛ Ruben bi ɔmɛ mia kɛ nyɛɛ Yawɛ hɛ mi, nɛ a kɛ nyɛ po Yordan pa a kɛ ya ngɔ zugba a, nyɛɛ kɛ Gilead zugba a ma ha mɛ kaa a blɔ fa mi nɔ́.

Mose V, 3:18

“Jamɛ a be ɔ mi nɔuu ɔ, i fa nyɛ ke, ‘Yawɛ, nyɛ Mawu ɔ ngɔ zugba nɛ ɔ ngɔ ha nyɛ kaa nyɛ weto ní. Nyɛ nihi nɛ nyɛ su ta yami ɔ, nyɛɛ mia kɛ ta hwumi ní kɛ nyɛɛ nyɛ nyɛmimɛ Israel wɛtso kpa amɛ a hɛ mi kɛ ya po Yordan pa a, nɛ nyɛɛ piɛ a he nɛ ngɔ a zugba a.

Mose V, 3:20

Nyɛɛ piɛ nyɛ nyɛmimɛ Israel bi ɔmɛ a he kɛ ya si a maa ngɔ zugba a nɛ Yawɛ ngɛ mɛ hae ngɛ Yordan pa a bonyoku je ɔ; nɛ Yawɛ ma ha mɛ hu a maa hi nɔ kaa bɔ nɛ e pee ha nyɛ ɔ. Lɔ ɔ se loko nyɛɛ kpale kɛ ba zugba nɛ i ngɔ ha nyɛ ɔ nɔ.’

Mose V, 34:1

Kɛkɛ nɛ Mose je Moab nga kplanaa a nɔ, nɛ e ya kuɔ Nebo yo ɔ kɛ ho Pisga yo ɔ yi mi ya, ngɛ Yordan beleku je. Yawɛ kɛ zugba a tsuo pɛpɛɛpɛ tsɔɔ lɛ ngɛ lejɛ ɔ: Gilead zugba muza a tsuo, kɛ ya muɔ Dan ma a ngɛ omleyi je,

Yoshua 13:11

Gilead, Geshur, Maaka, Hermon yo ɔ, Bashan, kɛ Saleka tsuo piɛ a zugba a he.

Yoshua 13:25

A zugba ji Yazer kɛ Gilead ma amɛ tsuo, kɛ Amon bi ɔmɛ a zugba a fa, kɛ ya su Aroer ngɛ Raba beleku je.

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Yoshua 22:10

Benɛ Ruben wɛtso ɔ, Gad wɛtso ɔ, kɛ Manase wɛtso fa a ba su Gelilot, ngɛ Yordan pa a he ɔ, a ma bɔ sami la tɛ agbo ko ngɛ pa a nya.

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Manyadali 5:17

Gilead tlɔ Yordan pa a se; Dan hu, mɛni he je e tlɔ lɛ ɔmɛ a he ɔ? Asher hii si kpoo ngɛ wo ɔ nya he nɛ lɛ ɔmɛ ba saa si ngɛ ɔ.