Yoshua 22:6 - BAIBLO ALOO NGMAMI KLƆUKLƆU Ɔ

^6-8 Yoshua gbaa mɛ, nɛ e wo mɛ blɔ. E de mɛ ke, “Nyɛ pee kplɔkɔtɔtsɛmɛ kɛ yaa we; nyɛ ngɛ nahi babauu, sika hiɔ, sika tsu, akɔblee, dade, kɛ heha ní babauu. Ke nyɛ ya su ɔ, nyɛɛ kɛ nyɛ nyɛmimɛ ɔmɛ nɛ dla ní ɔmɛ tsuo nɛ nyɛ kpɔ ngɛ nyɛ he nyɛli ɔmɛ a dɛ ɔ.” Lɔ ɔ se ɔ, a pue blɔ kɛ ho we ya. Mose ha Manase wɛtso fa kake zugba ngɛ Yordan beleku je momo. Wɛtso fa a nɛ piɛ ɔ lɛɛ Yoshua ha mɛ zugba ngɛ a nyɛmimɛ ɔmɛ a kpɛti, ngɛ Yordan pa a bonyoku je.

Yoshua 22:6 ပူးပေါင်းရင်းမြစ်များ

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 47:10

Kɛkɛ nɛ Yakob gbaa Farao ɔ ekohu, nɛ e je e ngɔ.

Mose I, 47:7

Yosef ngɔ e tsɛ Yakob hu kɛ ba tsɔɔ Farao ɔ. Yakob gbaa Farao ɔ,

Samuel II, 6:18

Benɛ David sã bɔ ɔmɛ gbe nya a, e gbaa ma a ngɛ Yawɛ Ope ɔ biɛ mi.

Samuel II, 6:19

David dla niye ní ha Israel ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, kɛ lo nɛ a sã kpɔ kake, kɛ wai yiblii gbigbli nɛ a kɛ si tatale. Lɔ ɔ se ɔ, a je kɛ ho a wehi a mi ya.

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Matsɛmɛ I, 8:66

Ligbi nɛ ji kpaanyɔ ɔ, Salomo ha ma a nane. Mɛ tsuo a je e yi saminya, nɛ a ho a wehi a mi ya kɛ bua jɔmi ngɛ ní kpakpahi tsuo nɛ Yawɛ pee ha e tsɔlɔ, David, kɛ e ma, Israel ɔ he.

Kronika II, 30:18

Ní nɛ ɔmɛ a se ɔ, nihi nɛ je Efraim, Manase, Isakar, kɛ Zebulun wɛtso ɔmɛ a mi kɛ ba a, a ti nihi babauu ji ni nɛmɛ nɛ na we nɛ a tsukɔ a he. Lɔ ɔ he ɔ, Hetsɔmi ɔ nɛ a ye ɔ, mɛɛ a yi lɛ kaa bɔ nɛ a to ke a ye ɔ. Hezekia sɔle kɛ ha jamɛatsɛmɛ ɔmɛ, nɛ e de ke,

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 24:50

Enɛ ɔ se ɔ, Yesu ngɔ mɛ kɛ je ma a mi kɛ ho Betania ya; nɛ e wo e ninehi a nɔ, nɛ e gbaa mɛ.

Yoshua 14:13

Yoshua gbaa Yefune binyumu Kaleb, nɛ e ngɔ Hebron ma a ngɔ ha lɛ kaa e weto ní.

Yoshua 24:28

Jehanɛ, Yoshua wo ma a blɔ, nɛ nɔ tsuaa nɔ kpale kɛ ho lɛ nitsɛ e tita nɔ ya.

Samuel I, 10:25

Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

Samuel I, 13:2

e hla nyumuhi akpe etɛ kɛ je Israel bi ɔmɛ a kpɛti; e kɛ akpe enyɔ hi Mikmash kɛ Betel yo ɔ nɔ, nɛ e binyumu Yonatan hu kɛ akpe hi Gibea ngɛ Benyamin. Ni nɛmɛ nɛ piɛ ɔ, Saul wo mɛ blɔ kɛ ho a wehi a mi ya.

Samuel I, 2:20

Kɛkɛ Eli maa gbaa Elkana kɛ e yo ɔ, nɛ e ma de Elkana ke, “Yawɛ nɛ e ha nɛ o kɛ o yo ɔ nɛ na bimɛ kpahi, nɛ a ba ye nɔ nɛ o ngɔ kɛ ba ha lɛ ɔ nane mi.” Lɔ ɔ se ɔ, a maa kpale a se kɛ ho a ma mi ya.