Yoshua 22:4 - BAIBLO ALOO NGMAMI KLƆUKLƆU Ɔ

⁴ Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Yoshua 22:4 ပူးပေါင်းရင်းမြစ်များ

Kronika I, 22:18

E de mɛ ke, “Yawɛ, nyɛ Mawu ɔ kɛ nyɛ nɛ hi si, nɛ e ha nyɛ tue mi jɔmi ngɛ he tsuaa he nɛ nyɛ ngɛ ɔ. Nihi nɛ ngɛ zugba nɛ ɔ nɔ loko wa ba hiɛ ɔ, Yawɛ ngɔ mɛ tsuo ngɔ wo ye dɛ mi. I ye a nɔ kunimi, nɛ amlɔ nɛ ɔ, a ba pee nyɛɛ kɛ Yawɛ nyɛ sɔmɔli.

Mose II, 33:14

Yawɛ he nɔ ke, “Imi nitsɛ i kɛ mo maa nyɛɛ kɛ ya fiafiaafia.”

Mose IV, 32:18

Wa be wa se kpalee kɛ ba wa we ɔmɛ a mi, kɛ yaa si Israel bi ɔmɛ a ti nɔ tsuaa nɔ nine maa su e blɔ fa mi nɔ́ nɔ.

Mose V, 12:9

ejakaa zugba a nɛ Yawɛ, nyɛ Mawu ɔ kɛ ngɛ nyɛ hae nɛ nyɛ maa hi si ngɛ nɔ ngɛ tue mi jɔmi mi ɔ, nyɛ sui nɔ lolo.

Mose V, 29:8

nɛ wa ngɔ a zugba a, nɛ wa dla mi ngɔ ha Ruben wɛtso ɔ, Gad wɛtso ɔ, kɛ Manase wɛtso fa a.

Mose V, 3:20

Nyɛɛ piɛ nyɛ nyɛmimɛ Israel bi ɔmɛ a he kɛ ya si a maa ngɔ zugba a nɛ Yawɛ ngɛ mɛ hae ngɛ Yordan pa a bonyoku je ɔ; nɛ Yawɛ ma ha mɛ hu a maa hi nɔ kaa bɔ nɛ e pee ha nyɛ ɔ. Lɔ ɔ se loko nyɛɛ kpale kɛ ba zugba nɛ i ngɔ ha nyɛ ɔ nɔ.’

Hebribi 4:8

Ejakaa kaa Yoshua ha mɛ he jɔɔmi ɔ, jinɛ Mawu ko tu we ligbi kpa ko he munyu hu pee se.

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

Yoshua 12:6

Mose kɛ Israel bi ɔmɛ kpata matsɛmɛ enyɔ nɛ ɔmɛ a hɛ mi, nɛ Yawɛ tsɔlɔ Mose ngɔ a zugba a ngɔ ha Ruben kɛ Gad, kɛ Manase wɛtso fa a kaa a weto ní.

Yoshua 13:15

Mose ha Ruben wɛtso ɔ zugba kaa a weto ní we puɔ nya we puɔ nya.

Yoshua 13:8

Yawɛ tsɔlɔ Mose ha Manase wɛtso fa a nɛ piɛ ɔ, Ruben wɛtso ɔ, kɛ Gad wɛtso ɔ a weto ní ngɛ Yordan pa a beleku je momo.

Yoshua 22:3

Kɛ ba si mwɔnɛ nɛ ɔ, nyɛ si we nyɛ nyɛmimɛ ɔmɛ, se mohu nyɛ ye mlaa amɛ tsuo nɛ Yawɛ, nyɛ Mawu ɔ wo nyɛ ɔ a nɔ sisiisi.