Yoshua 22:34 - BAIBLO ALOO NGMAMI KLƆUKLƆU Ɔ

³⁴ Ruben bi ɔmɛ, kɛ Gad bi ɔmɛ de ke, “Bɔ sami la tɛ nɛ ɔ ji odase ha wɔ, kɛ nyɛ tsuo, kaa Yawɛ ji Mawu.” Lɔ ɔ he ɔ, a wo bɔ sami la tɛ ɔ biɛ ke “Odase”.

Yoshua 22:34 ပူးပေါင်းရင်းမြစ်များ

Mose I, 31:47

Laban wo lejɛ ɔ biɛ ke Yegar Sahaduta; se Yakob lɛɛ e wo lɛ ke Galeed.

Mose I, 31:48

Laban de Yakob ke, “Kikɛmɛ a tɛ kuu nɛ ɔ maa pee odase nɔ́ ha wɔ ni enyɔ ɔmɛ tsuo.” Enɛ ɔ he je nɛ a wo lejɛ ɔ biɛ ke Galeed ɔ nɛ.

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Yoshua 22:27

se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Yoshua 24:27

E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”