Yoshua 22:33 - BAIBLO ALOO NGMAMI KLƆUKLƆU Ɔ

³³ Nɔ́ nɛ ɔ ngɔ Israel bi ɔmɛ a nya, nɛ a je Mawu yi. A de we hu ke a maa hwu ta nɛ a kpata zugba a nɛ Ruben bi ɔmɛ, kɛ Gad bi ɔmɛ ngɛ nɔ ɔ hɛ mi.

Yoshua 22:33 ပူးပေါင်းရင်းမြစ်များ

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Abɛ Womi 25:25

Ke o nu manye munyu kɛ je ma se ɔ, e ngɛ kaa nɔ́ nɛ o ná nyu nɛ mi jɔ nɛ o kɛ maa gbe kuma.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Luka 2:28

Kɛkɛ nɛ Simeon he bimwɔyo ɔ ngɔ fɔ e kɔni bɔkɔ mi, nɛ e na Mawu si, nɛ e de ke,

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

Ni Tsumi 15:31

Benɛ a kane ɔ, a bua jɔ womi ɔ mi munyu ɔ he.

2 Korintobi 7:7

Pi e bami ɔ kɛkɛ nɛ ha nɛ wa nɔ gbagba te ɔ, se amaniɛ nɛ e ba bɔ wɔ nɛ tsɔɔ bɔ nɛ nyɛ hu nyɛ wo lɛ he wami ngɛ lejɛ ɔ piɛ he. E bɔ wɔ bɔ nɛ nyɛ suɔ kaa nyɛ maa na mi ekohu, bɔ nɛ nyɛ hao ngɛ nɔ́ nɛ ba a he, kɛ bɔ nɛ nyɛ pee klaalo nɛ nyɛ ma fa ye he. Enɛ ɔ ha nɛ i na bua jɔmi kulaa pe kekle ɔ.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Yoshua 22:30

Benɛ osɔfo Finehas, kɛ ma nimeli ɔmɛ, nɛ ji wɛtsoyi nyɔngma amɛ nɛ piɛ e he ɔ nu munyuhi nɛ Ruben bi ɔmɛ, Gad bi ɔmɛ, kɛ Manase wɛtso fa a tu ɔ, a bua jɔ a he saminya.

Yoshua 22:32

Enɛ ɔ se ɔ, Finehas kɛ ma nimeli ɔmɛ je Ruben bi ɔmɛ, kɛ Gad bi ɔmɛ a he ngɛ Gilead; nɛ a kpale kɛ ba Israel bi ɔmɛ a ngɔ, ba bɔ mɛ amaniɛ.