Yoshua 22:31 - BAIBLO ALOO NGMAMI KLƆUKLƆU Ɔ

³¹ Osɔfo Eleazar bi Finehas de mɛ ke, “Jehanɛ lɛɛ wa na kaa Yawɛ kɛ wɔ ngɛ. Nyɛ tsɔ we e hɛ mi atuã; mohu ɔ, nyɛ je Israel bi ɔmɛ kɛ je tue gblami nɛ Yawɛ kɛ maa ba a nɔ ɔ mi.”

Yoshua 22:31 ပူးပေါင်းရင်းမြစ်များ

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Ezra 7:5

Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.

La 68:17

Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

1 Korintobi 14:25

E tsui mi laami sanehi tsuo maa je kpo paa; e ma kpla si ma ja Mawu, nɛ e maa jaje ke, “Niinɛ, Mawu kɛ nyɛ ngɛ!”

Yoshua 22:30

Benɛ osɔfo Finehas, kɛ ma nimeli ɔmɛ, nɛ ji wɛtsoyi nyɔngma amɛ nɛ piɛ e he ɔ nu munyuhi nɛ Ruben bi ɔmɛ, Gad bi ɔmɛ, kɛ Manase wɛtso fa a tu ɔ, a bua jɔ a he saminya.

Yoshua 22:32

Enɛ ɔ se ɔ, Finehas kɛ ma nimeli ɔmɛ je Ruben bi ɔmɛ, kɛ Gad bi ɔmɛ a he ngɛ Gilead; nɛ a kpale kɛ ba Israel bi ɔmɛ a ngɔ, ba bɔ mɛ amaniɛ.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.