Yoshua 22:29 - BAIBLO ALOO NGMAMI KLƆUKLƆU Ɔ

²⁹ Wa be Yawɛ hɛ mi atuã tsɔe kɔkɔɔkɔ, nɛ wa be e se jee gblegbleegble kɛ ya ma bɔ sami la tɛ kpa ko nɛ waa sã sami bɔ, loo niye ní bɔ, loo bɔ kpa ko ngɛ nɔ. Wa be bɔ sami la tɛ kpa ko mae kɛ piɛ Yawɛ, wa Mawu ɔ bɔ sami la tɛ ɔ nɛ ngɛ kpe he bo tsu ɔ hɛ mi ɔ he.”

Yoshua 22:29 ပူးပေါင်းရင်းမြစ်များ

Mose I, 44:17

Yosef he nɔ ke, “Dɛbi! I be ja pee kɔkɔɔkɔ! Nɔ nɛ a na kplu ɔ ngɛ e dɛ ɔ, lɛ pɛ ji nɔ nɛ maa pee ye nyɔguɛ ɔ nɛ. Nyɛ ni nɛmɛ nɛ piɛ ɔ, nyɛɛ kpale kɛ ho nyɛ tsɛ ngɔ ya fiafiaafia.”

Mose I, 44:7

A he nɔ ke, “Wa nyɔmtsɛ, mɛni he je o kɛ wɔ ngɛ munyu tue kikɛ nɛ ɔ? Wa be nyɛe maa pee nɔ́ ko kaa kikɛ nɛ ɔ kɔkɔɔkɔ.

Matsɛmɛ I, 21:3

Se Nabot de Ahab ke, “Yawɛ ngmɛ́ blɔ kaa ma ngɔ ye nɛmɛ a gbosi ní ɔ ngɔ ha mo.”

Matsɛmɛ II, 18:22

Asiria asafoatsɛ ɔ ya nɔ nɛ e de ke, “Aloo o ma de mi ke o ngɔ o hɛ ngɔ fɔ Yawɛ, o Mawu ɔ nɔ? Anɛ pi Yawɛ jami he ɔmɛ, kɛ bɔ sami la tɛ ɔmɛ nɛ Hezekia ywia, benɛ e de Yuda kɛ Yerusalem ke a ya ja Mawu ngɛ bɔ sami la tɛ ɔ nɛ ngɛ Yerusalem ɔ pɛ e hɛ mi ɔ lo?

Kronika II, 32:12

Anɛ pi Hezekia nɛ ɔ nɔuu nɛ ku Yawɛ jami he ɔmɛ, kɛ bɔ sami la tɛ ɔmɛ ngɔ pue si, nɛ pee se ɔ, e de Yuda bi ɔmɛ, kɛ Yerusalem bi ɔmɛ ke a ja Yawɛ, nɛ a sã tsopa kɛ e he via ha lɛ ngɛ bɔ sami la tɛ kake pɛ nɔ lo?

Romabi 3:6

Dɛbi! Ke Mawu yi dami sane ɔ, kɛ maa pee kɛɛ nɛ e maa kojo je ɔ?

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 9:14

Lɛɛ kɛ wa ma de kɛɛ? Mawu yeɔ sane kpɛkpɛɛ lo? Dɛbi!

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Yoshua 22:23

Ke wa bui Yawɛ tue, nɛ wa ma wɔ nitsɛmɛ wa bɔ sami la tɛ, nɛ́ waa sã sami bɔhi, loo ngma bɔhi, loo tue mi jɔmi bɔhi ngɛ nɔ ɔ, lɛɛ Yawɛ nitsɛ nɛ gbla wa tue!

Yoshua 22:26

Enɛ ɔ he je nɛ wa ma bɔ sami la tɛ ɔ nɛ; pi kaa a sã sami bɔ, loo bɔ kpa komɛ ngɛ nɔ;

Yoshua 22:28

Wa juɛmi ji, ke e maa ba mi ja a, wa nina ma nyɛ ma de ke, ‘Nyɛ nɛ́ kaa wa nɛmɛ ɔmɛ ma bɔ sami la tɛ nɛ ngɛ kaa Yawɛ bɔ sami la tɛ ɔ pɛpɛɛpɛ lo? A ma bɔ sami la tɛ nɛ ɔ, pi nɛ a sã sami bɔ, loo bɔ kpa komɛ ngɛ nɔ; se mohu kaa e pee okadi ha nyɛ nina, kɛ wa nina.’

Yoshua 22:30

Benɛ osɔfo Finehas, kɛ ma nimeli ɔmɛ, nɛ ji wɛtsoyi nyɔngma amɛ nɛ piɛ e he ɔ nu munyuhi nɛ Ruben bi ɔmɛ, Gad bi ɔmɛ, kɛ Manase wɛtso fa a tu ɔ, a bua jɔ a he saminya.

Yoshua 24:16

Ma a he nɔ ke, “Wa be Yawɛ sie nɛ wa ya sɔmɔ mawu kpahi!

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.