Yoshua 22:28 - BAIBLO ALOO NGMAMI KLƆUKLƆU Ɔ

²⁸ Wa juɛmi ji, ke e maa ba mi ja a, wa nina ma nyɛ ma de ke, ‘Nyɛ nɛ́ kaa wa nɛmɛ ɔmɛ ma bɔ sami la tɛ nɛ ngɛ kaa Yawɛ bɔ sami la tɛ ɔ pɛpɛɛpɛ lo? A ma bɔ sami la tɛ nɛ ɔ, pi nɛ a sã sami bɔ, loo bɔ kpa komɛ ngɛ nɔ; se mohu kaa e pee okadi ha nyɛ nina, kɛ wa nina.’

Yoshua 22:28 ပူးပေါင်းရင်းမြစ်များ

Mose I, 31:48

Laban de Yakob ke, “Kikɛmɛ a tɛ kuu nɛ ɔ maa pee odase nɔ́ ha wɔ ni enyɔ ɔmɛ tsuo.” Enɛ ɔ he je nɛ a wo lejɛ ɔ biɛ ke Galeed ɔ nɛ.

Matsɛmɛ II, 16:10

Benɛ Matsɛ Ahaz, kɛ Asiria matsɛ, Tiglat Pileser ya kpe ngɛ Damasko ɔ, e na bɔ sami la tɛ ɔ ngɛ lejɛ ɔ. Matsɛ Ahaz ngɔ bɔ sami la tɛ ɔ henɔ pɛpɛɛpɛ kɛ mane osɔfo Uria.

Mose II, 25:40

Hyɛ nɛ o pee mɛ pɛpɛɛpɛ kaa henɔhi nɛ i ngɛ mo tsɔɔe ngɛ yo ɔ nɔ ɔ.

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Yoshua 22:27

se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Yoshua 22:29

Wa be Yawɛ hɛ mi atuã tsɔe kɔkɔɔkɔ, nɛ wa be e se jee gblegbleegble kɛ ya ma bɔ sami la tɛ kpa ko nɛ waa sã sami bɔ, loo niye ní bɔ, loo bɔ kpa ko ngɛ nɔ. Wa be bɔ sami la tɛ kpa ko mae kɛ piɛ Yawɛ, wa Mawu ɔ bɔ sami la tɛ ɔ nɛ ngɛ kpe he bo tsu ɔ hɛ mi ɔ he.”

Yoshua 24:27

E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”