Yoshua 22:27 - BAIBLO ALOO NGMAMI KLƆUKLƆU Ɔ

²⁷ se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Yoshua 22:27 ပူးပေါင်းရင်းမြစ်များ

Mose I, 31:48

Laban de Yakob ke, “Kikɛmɛ a tɛ kuu nɛ ɔ maa pee odase nɔ́ ha wɔ ni enyɔ ɔmɛ tsuo.” Enɛ ɔ he je nɛ a wo lejɛ ɔ biɛ ke Galeed ɔ nɛ.

Mose I, 31:52

Tɛ kuu nɛ ɔ, kɛ kaimi tɛ nɛ ɔ ji odasehi. I be tɛ kuu nɛ ɔ he bee gblegbleegble kɛ ba tua mo. Ja nɔuu, mo hu o ko be tɛ kuu nɛ ɔ, loo kaimi tɛ nɛ ɔ he kɔkɔɔkɔ kɛ ba tua mi.

La 16:5

Yawɛ ji ye nɔ́ tsuaa nɔ́; lɛ nɛ e haa mi nɔ́ tsuaa nɔ́ nɛ hia mi. Nɔ́ nɛ maa ba ye nɔ hwɔɔ se hu, Yawɛ dɛ mi lɛ e ngɛ.

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Yoshua 22:10

Benɛ Ruben wɛtso ɔ, Gad wɛtso ɔ, kɛ Manase wɛtso fa a ba su Gelilot, ngɛ Yordan pa a he ɔ, a ma bɔ sami la tɛ agbo ko ngɛ pa a nya.

Yoshua 22:26

Enɛ ɔ he je nɛ wa ma bɔ sami la tɛ ɔ nɛ; pi kaa a sã sami bɔ, loo bɔ kpa komɛ ngɛ nɔ;

Yoshua 22:28

Wa juɛmi ji, ke e maa ba mi ja a, wa nina ma nyɛ ma de ke, ‘Nyɛ nɛ́ kaa wa nɛmɛ ɔmɛ ma bɔ sami la tɛ nɛ ngɛ kaa Yawɛ bɔ sami la tɛ ɔ pɛpɛɛpɛ lo? A ma bɔ sami la tɛ nɛ ɔ, pi nɛ a sã sami bɔ, loo bɔ kpa komɛ ngɛ nɔ; se mohu kaa e pee okadi ha nyɛ nina, kɛ wa nina.’

Yoshua 22:34

Ruben bi ɔmɛ, kɛ Gad bi ɔmɛ de ke, “Bɔ sami la tɛ nɛ ɔ ji odase ha wɔ, kɛ nyɛ tsuo, kaa Yawɛ ji Mawu.” Lɔ ɔ he ɔ, a wo bɔ sami la tɛ ɔ biɛ ke “Odase”.

Yoshua 24:27

E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”