Yoshua 22:25 - BAIBLO ALOO NGMAMI KLƆUKLƆU Ɔ

²⁵ Lɛ nitsɛ nɛ e ngɔ Yordan pa a ngɔ wo huzu ngɛ waa kɛ nyɛ, Ruben bi, kɛ Gad bi wa kpɛti. Nyɛɛ kɛ Yawɛ be nɔ́ ko peemi.’ Ke e ba mi ja a, nyɛ nina ma ha wa nina maa jɔɔ Yawɛ jami.

Yoshua 22:25 ပူးပေါင်းရင်းမြစ်များ

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Matsɛmɛ I, 12:16

Benɛ Israel ma a tsuo na kaa matsɛ ɔ bui mɛ tue ɔ, a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ. Israel ma! Nɔ tsuaa nɔ nɛ pue lɛ nitsɛ e we mi blɔ! Nyɛ ha Rehoboam nɛ ya ye tsɛ ngɛ David we ɔ nɔ!” Kɛkɛ nɛ Israel ma a tsɔ atuã,

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ I, 15:30

A pee nɔ́ nɛ ɔ, ejakaa Yeroboam wo Yawɛ, Israel Mawu ɔ mi mi la; Yeroboam pee yayami kɛ si Yawɛ, nɛ jehanɛ hu, e ha nɛ Israel hu pee yayami.

Nehemia 2:20

I he nɔ ke, “Mawu nɛ ngɛ hiɔwe ɔ ma ha wa maa ye manye. E tsɔli ji wɔ, nɛ wa ma bɔni gbogbo ɔ fiami. Nyɛɛ lɛɛ nyɛ be blɔ nya ko, loo weto ní, loo kaimi nɔ́ ko ngɛ Yerusalem.”

La 16:5

Yawɛ ji ye nɔ́ tsuaa nɔ́; lɛ nɛ e haa mi nɔ́ tsuaa nɔ́ nɛ hia mi. Nɔ́ nɛ maa ba ye nɔ hwɔɔ se hu, Yawɛ dɛ mi lɛ e ngɛ.

Ni Tsumi 8:21

O be blɔ nya, loo blɔ fa mi nɔ́ ko ngɛ wa ní tsumi nɛ ɔ mi; ejakaa o tsui mi dɛ ngɛ Mawu hɛ mi.

Yoshua 22:24

Dɛbi! Wa pee enɛ ɔ, ejakaa wa ye gbeye kaa hwɔɔ se ko ɔ, nyɛ nina ma de wa nina ke, ‘Mɛni blɔ fa mi nɔ́ nyɛ ngɛ ngɛ Yawɛ, Israel Mawu ɔ ngɔ?

Yoshua 22:26

Enɛ ɔ he je nɛ wa ma bɔ sami la tɛ ɔ nɛ; pi kaa a sã sami bɔ, loo bɔ kpa komɛ ngɛ nɔ;

Yoshua 22:27

se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.