Yoshua 22:23 - BAIBLO ALOO NGMAMI KLƆUKLƆU Ɔ

²³ Ke wa bui Yawɛ tue, nɛ wa ma wɔ nitsɛmɛ wa bɔ sami la tɛ, nɛ́ waa sã sami bɔhi, loo ngma bɔhi, loo tue mi jɔmi bɔhi ngɛ nɔ ɔ, lɛɛ Yawɛ nitsɛ nɛ gbla wa tue!

Yoshua 22:23 ပူးပေါင်းရင်းမြစ်များ

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.

Kronika II, 24:22

Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

Ezekiel 3:18

Ke i de ke yayami peelɔ ko ma gbo, nɛ o bɔɛ lɛ kɔkɔ, nɛ o tui munyu kɛ tsɔɔ we lɛ, konɛ e tsake nɛ e he e yi wami ɔ, jamɛ a yayami peelɔ ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Ezekiel 33:6

Jehanɛ hu, ke bulɔ ɔ na he nyɛli ɔmɛ nɛ a ma, nɛ e kpa we titimati kɛ wo ma a tue nɔ ɔ, he nyɛli ɔmɛ ma ba gbe yayami peeli ɔmɛ lɛɛ, se ma bi a muɔ si ngɛ bulɔ ɔ dɛ.

Ezekiel 33:8

Ke i de ke yayami peelɔ ko ma gbo ngɛ e yayami nɛ e ngɛ pee ɔ he, se o bɔɛ lɛ kɔkɔ, konɛ e tsake kɛ je e blɔ yayami ɔ nɔ nɛ e yi nɛ na wami ɔ, e ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 18:19

E maa tu munyu ngɛ ye biɛ mi, nɛ ke nɔ ko bui lɛ ɔ, imi nitsɛ ma gbla nɔ ɔ tue.

Yoshua 22:24

Dɛbi! Wa pee enɛ ɔ, ejakaa wa ye gbeye kaa hwɔɔ se ko ɔ, nyɛ nina ma de wa nina ke, ‘Mɛni blɔ fa mi nɔ́ nyɛ ngɛ ngɛ Yawɛ, Israel Mawu ɔ ngɔ?

Samuel I, 20:16

ko ha Yonatan biɛ nɛ e laa ngɛ David weku ɔ mi. Ke o pee ja a, Yawɛ kɛ mo maa ye.”