Yoshua 22:19 - BAIBLO ALOO NGMAMI KLƆUKLƆU Ɔ

¹⁹ Lɔ ɔ he ɔ, ke nyɛ zugba a nɔ hí nɛ́ a ja Mawu ngɛ ɔ, nyɛɛ kpale kɛ ba Yawɛ zugba a nɔ, he nɛ e bo tsu ɔ ngɛ ɔ. Nyɛ ha nɛ a ha nyɛ zugba ko ngɛ wa ngɔ. Nyɛ ko tsɔ atuã kɛ si Yawɛ, nɛ nyɛ ko pee wɔ hu atuã tsɔli kaa nyɛ maa ma bɔ sami la tɛ kpa ko kɛ piɛ Yawɛ, wa Mawu ɔ bɔ sami la tɛ ɔ he.

Yoshua 22:19 ပူးပေါင်းရင်းမြစ်များ

Kronika II, 11:13

Osɔfohi kɛ Levi bi tsuo nɛ ngɛ Israel zugba a nɔ ɔ je a hi he ɔmɛ kɛ ba Rehoboam ngɔ ngɛ Yuda.

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Daniel 10:13

Ganɔ ɔ nɛ buu Persia nɔ yemi ɔ he ɔ tsi mi blɔ ligbi nyingmi enyɔ kɛ kake. Se Mikael, nɛ ji ganɔ nikɔtɔma amɛ a ti nɔ kake ɔ ba piɛ ye he; ejakaa imi nɔ kake too pɛ a si ngɛ Persia matsɛ ɔ he.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Yoshua 22:11

Israel bi kpa amɛ nɛ piɛ ɔ nu kaa Ruben wɛtso ɔ, Gad wɛtso ɔ, kɛ Manase wɛtso fa a ya ma bɔ sami la tɛ ngɛ Yordan pa a he ngɛ Gelilot, ngɛ a zugba a mi.