Yoshua 22:11 - BAIBLO ALOO NGMAMI KLƆUKLƆU Ɔ

¹¹ Israel bi kpa amɛ nɛ piɛ ɔ nu kaa Ruben wɛtso ɔ, Gad wɛtso ɔ, kɛ Manase wɛtso fa a ya ma bɔ sami la tɛ ngɛ Yordan pa a he ngɛ Gelilot, ngɛ a zugba a mi.

Yoshua 22:11 ပူးပေါင်းရင်းမြစ်များ

Yohane 1:28

A pee ní nɛ ɔmɛ tsuo ngɛ Betania, ngɛ Yordan pa a beleku je, he nɛ Yohane ngɛ nihi sɔlee ngɛ ɔ.

Yohane 20:1

Otsi ɔ we kekleekle ligbi ɔ makɛ mla, benɛ je mi tsɔ we lolo ɔ, Maria Magdalena ba yɔkɔ ɔ he, nɛ e na kaa a je tɛ ɔ kɛ je yɔkɔ ɔ nya.

Yohane 20:12

nɛ e na hiɔwe bɔfohi enyɔ ngɛ lejɛ ɔ. A wo ní hiɔ, nɛ a hii si ngɛ he nɛ a kɛ Yesu gbogboe ɔ fɔ si ngɛ ɔ; nɔ kake ngɛ e yi je, kɛ nɔ kake hu ngɛ e nane si je.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Yoshua 2:7

Benɛ matsɛ ɔ tsɔli ɔmɛ je ma a mi pɛ nɛ a nga agbo ɔ. A ya hla slaali ɔmɛ kɛ ya gu Yordan pa a nya blɔ kɛ ya su pa pomi he ɔ tɔɔ.

Yoshua 22:10

Benɛ Ruben wɛtso ɔ, Gad wɛtso ɔ, kɛ Manase wɛtso fa a ba su Gelilot, ngɛ Yordan pa a he ɔ, a ma bɔ sami la tɛ agbo ko ngɛ pa a nya.

Yoshua 22:16

A bi mɛ ngɛ Yawɛ ma a tsuo nane mi ke, “Mɛni he je nɛ nyɛ pee yayami kaa kikɛ nɛ ɔ kɛ si Israel Mawu ɔ? Bɔ sami la tɛ ɔ nɛ nyɛ ma nɛ ɔ tsɔɔ kaa nyɛ kua Yawɛ, nɛ nyɛ tsɔ e hɛ mi atuã!

Yoshua 22:19

Lɔ ɔ he ɔ, ke nyɛ zugba a nɔ hí nɛ́ a ja Mawu ngɛ ɔ, nyɛɛ kpale kɛ ba Yawɛ zugba a nɔ, he nɛ e bo tsu ɔ ngɛ ɔ. Nyɛ ha nɛ a ha nyɛ zugba ko ngɛ wa ngɔ. Nyɛ ko tsɔ atuã kɛ si Yawɛ, nɛ nyɛ ko pee wɔ hu atuã tsɔli kaa nyɛ maa ma bɔ sami la tɛ kpa ko kɛ piɛ Yawɛ, wa Mawu ɔ bɔ sami la tɛ ɔ he.

Manyadali 12:5

Gilead bi ɔmɛ ya tsi blɔ ha Efraim bi ɔmɛ ngɛ Yordan pa pomi he ɔmɛ. Lɔ ɔ he ɔ, Efraim bi ɔmɛ nɛ ngɛ fo tue ɔ, ke a ti nɔ ko ke a ha lɛ blɔ nɛ e po pa a, Gilead bi ɔmɛ ma bi lɛ ke, “Efraim no ji mo lo?” Ke e he nɔ ke, “Dɛbi!” ɔ,