Yoshua 22:10 - BAIBLO ALOO NGMAMI KLƆUKLƆU Ɔ

¹⁰ Benɛ Ruben wɛtso ɔ, Gad wɛtso ɔ, kɛ Manase wɛtso fa a ba su Gelilot, ngɛ Yordan pa a he ɔ, a ma bɔ sami la tɛ agbo ko ngɛ pa a nya.

Yoshua 22:10 ပူးပေါင်းရင်းမြစ်များ

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 12:8

Lɔ ɔ se ɔ, e hia kɛ je lejɛ ɔ kɛ ho yoku zugba a nɛ ngɛ Betel beleku je ɔ nɔ ya. E ya ma e bo tsu ɔ ngɛ lejɛ ɔ, ngɛ Betel kɛ Ai a kpɛti; Betel ngɛ bonyoku je, nɛ Ai ngɛ beleku je. Lejɛ ɔ hu e ma bɔ sami la tɛ ha Yawɛ nɛ e ja lɛ.

Mose I, 28:18

Yakob te si mɔtu kpla, nɛ e ngɔ tɛ ɔ nɛ e tslɔ ɔ ngɔ ma si kaa kaimi titima. Lɔ ɔ se ɔ, e plɛ nu ngɔ pue nɔ, nɛ e kɛ pee tɛ ɔ klɔuklɔu ha Mawu.

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Yoshua 22:11

Israel bi kpa amɛ nɛ piɛ ɔ nu kaa Ruben wɛtso ɔ, Gad wɛtso ɔ, kɛ Manase wɛtso fa a ya ma bɔ sami la tɛ ngɛ Yordan pa a he ngɛ Gelilot, ngɛ a zugba a mi.

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.