Yoshua 21:45 - BAIBLO ALOO NGMAMI KLƆUKLƆU Ɔ

⁴⁵ Ní kpakpahi tsuo nɛ Yawɛ wo Israel ma a si ke e ma ha mɛ ɔ, ekoeko tlɔɛ si; a ná lɛ tsuo pɛpɛɛpɛ.

Yoshua 21:45 ပူးပေါင်းရင်းမြစ်များ

Matsɛmɛ I, 8:15

E de ke, “A je Yawɛ, Israel Mawu ɔ yi; ejakaa si ko nɛ e wo tsaatsɛ David ɔ, e ye nɔ. Yawɛ de David ke,

Matsɛmɛ I, 8:20

“Amlɔ nɛ ɔ, Yawɛ ye e siwo ɔ nɔ. Kaa bɔ nɛ e de to ɔ, i ba ngɛ tsɛ yee ngɛ Israel ngɛ tsaatsɛ David se, nɛ we ɔ he nɛ a ma ja Yawɛ, Israel Mawu ɔ ngɛ ɔ, i po.

Matsɛmɛ I, 8:24

Si ko nɛ o wo tsaatsɛ David ɔ, o ye nɔ; nɛ mwɔnɛ ɔ, nɔ́ tsuaa nɔ́ nɛ o de to ɔ ba mi.

Matsɛmɛ I, 8:56

“A je Yawɛ yi; ejakaa e ha e ma a tue mi jɔmi kaa bɔ nɛ e de to ke e maa pee ɔ. Ní kpakpahi nɛ e wo si kɛ gu e tsɔlɔ, Mose nɔ kaa e maa pee ɔ, e pee mɛ tsuo pɛpɛɛpɛ.

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

Yesaya 48:3

Yawɛ ngɛ Israel dee ke, “Níhi nɛ maa ba hwɔɔ se ɔ, i gba ngɔ to blema lokoo, nɛ tlukaa, i ha a ba mi.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

1 Tesalonikabi 5:24

Nɔ nɛ tsɛ nyɛ ɔ, anɔkualetsɛ ji lɛ; nɛ e maa pee hulɔ.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.