Yoshua 21:4 - BAIBLO ALOO NGMAMI KLƆUKLƆU Ɔ

⁴ Jinɛ a ngɔ ma nɛ ɔmɛ nyɔngma kɛ etɛ kɛ ha Yuda, Simeon, kɛ Benyamin wɛtso ɔmɛ momo. Se a fɔ sɔ, nɛ a he ngɛ a dɛ kɛ ha osɔfo ɔmɛ ekomɛ nɛ je Kohat we puɔ nya ngɛ Levi wɛtso ɔ mi. Osɔfo Aaron nina ji nimli nɛ ɔmɛ.

Yoshua 21:4 ပူးပေါင်းရင်းမြစ်များ

Kronika I, 6:39

Lali a kuu enyɔne ɔ, a nya dalɔ ji Asaf. Asaf je Gershon weku ɔ mi, nɛ e tsɛ ji Berekia. Bɔ nɛ Asaf weku kpa a nyɛɛ senyasenya kɛ ya si Levi nɔ ji nɛ ɔ nɛ: Asaf, Berekia, Shimea,

Mose II, 6:16

Levi binyumu ɔmɛ a biɛhi ngɛ a fɔmi nya ji nɛ ɔmɛ nɛ: Gershon, Kohat, kɛ Merari. Levi ye jeha 137.

Mose II, 6:20

Amram ngɔ e tsɛ nyɛmiyo Yokebed, nɛ e kɛ lɛ fɔ Aaron kɛ Mose. Amram ye jeha 137.

Mose IV, 3:27

Wekuhi nɛ peeɔ Kohat we puɔ nya ji Amram, Izhar, kɛ Hebron, kɛ Uziel.

Yoshua 21:3

Lɔ ɔ he ɔ, kaa bɔ nɛ Yawɛ fa a, Israel bi ɔmɛ ha Levi bi ɔmɛ ma komɛ, kɛ lohwe lɛmi hehi ngɛ mɛ nitsɛmɛ a zugba amɛ a mi.

Yoshua 21:5

A ha Kohat bi ɔmɛ nɛ piɛ ɔ ma nyɔngma ngɛ Efraim, Dan, kɛ Manase wɛtso fa a nɛ ngɛ bonyoku je ɔ a zugba amɛ a mi.

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.