Yoshua 20:9 - BAIBLO ALOO NGMAMI KLƆUKLƆU Ɔ

⁹ Wesa he mahi nɛ a hla kɛ ha Israel ma a tsuo, kɛ nibwɔhi nɛ ba to mɛ ɔ ji nɛ ɔmɛ nɛ. Ke e ba mi kaa nɔ ko nine ya kpa ngɛ nɔ ko nɔ ɔ, e ma nyɛ maa tu fo kɛ ya sa we ngɛ ma nɛ ɔmɛ eko mi kɛ he e yi wami kɛ je lue yelɔ ɔ dɛ mi. A be nɔ nɛ ya sa we nɛ ɔ gbee, ja a kojo lɛ ngɛ ma hɛ mi lolo.

Yoshua 20:9 ပူးပေါင်းရင်းမြစ်များ

Mose IV, 35:15

Ma ekpa nɛ ɔmɛ maa pee wesa hehi kɛ ha Israel bi, nibwɔhi, kɛ blɔ nyɛɛli tsuo. Ke e ba mi kaa nɔ ko li e he be nɛ e nine ya kpa ngɛ nɔ ko nɔ tlukaa a, e ma nyɛ maa tu fo kɛ ya sa we ngɛ ma nɛ ɔmɛ eko mi.

Yoshua 20:6

É hi ma nɛ ɔ mi kɛ ya su be nɛ a maa kojo lɛ ngɛ ma hɛ mi; jehanɛ hu, kɛ ya su be nɛ osɔfo nɔkɔtɔma pe kulaa nɛ ngɛ jamɛ a be ɔ mi ɔ ma gbo. Lɔ ɔ se ɔ, nɔ ɔ ma nyɛ kpale kɛ ya lɛ nitsɛ e ma a mi, he nɛ e tu fo kɛ je ɔ.”

Yoshua 20:4

E tu fo kɛ ya ma nɛ ɔmɛ eko mi, nɛ e ya da si ngɛ ma a agbo ɔ nya, nɛ e jaje bɔ nɛ e ba lɛ ha ngɔ tsɔɔ ma nimeli ɔmɛ. Kɛkɛ ɔ, ma nimeli ɔmɛ kɛ lɛ maa ba ma a mi, nɛ a ma ha lɛ he ko nɛ e hi.

Mose IV, 35:13

Nyɛɛ hla ma ekpa kɛ pee wesa he nɛ ɔmɛ,

Yoshua 20:8

Yordan pa a beleku je, ngɛ yo zugba kpataa a nɔ, ngɛ Yeriko beleku je ɔ, a hla ma nɛ ɔmɛ: Bezer, ngɛ Ruben zugba a mi, Ramot Gilead ngɛ Gad zugba a mi, kɛ Golan ngɛ Bashan, ngɛ Manase zugba a mi.