5 Ke lue yelɔ ɔ nyɛɛ e se kɛ ba lejɛ ɔ, ma mi bi ɔmɛ kó ngmɛɛ e he kɛ ha lɛ. A baa e yi, ejakaa pi abofu nya nɛ e gbe nɔ ɔ, se mohu e nine nɛ ya kpa ngɛ nɔ ɔ nɔ kɛkɛ.
ke e de Israel bi ɔmɛ ke, ke a ti nɔ ko pee nɔ́ ko nɛ a nyɛ nɛ e kɛ tɔ̃ Yawɛ mlaa amɛ eko nɔ, nɛ pi kaa nɔ ɔ je blɔ tɔ̃ ɔ, a ye blɔ nya tomi nɛ ɔmɛ a nɔ.
Ma nɛ ɔmɛ maa pee wesa hehi ha nyɛ kɛ maa je muɔ he lue yelɔ ɔ dɛ mi. Ke nɔ ko nine ya kpa ngɛ nɔ ko nɔ tlukaa a, a ko gbe lɛ kɛ yaa si a kɛ lɛ ma ba da ma kpekpemi ɔ hɛ mi, nɛ a maa kojo lɛ lolo.
Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.