Yoshua 2:9 - BAIBLO ALOO NGMAMI KLƆUKLƆU Ɔ

⁹ E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 2:9 ပူးပေါင်းရင်းမြစ်များ

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Samuel II, 17:10

Ke e ba mi ja a, nɔmlɔ nɛ lɛɛ e tsui wa kaa jata po sawale maa nu lɛ, ejakaa Israel tsuo le kaa o tsɛ ɔ, tatsɛ nguaa ji lɛ, nɛ e we bi ɔmɛ hu katsɛmɛ ji mɛ.

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Nehemia 6:16

Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

La 115:16

Hiɔwe ɔ tsuo e nɔ́, se zugba a lɛɛ e ngɔ kɛ ha nimli adesahi.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Mose II, 23:27

“Ma tsuaa ma nɛ o ma pã nɔ ɔ, ma ha sawale maa nu ma mi bi ɔmɛ tsuo. Ni nɛmɛ nɛ maa te si kɛ wo mo ɔ, ma ha a kpɛti maa pee basabasa; nɛ ma ha o he nyɛli ɔmɛ tsuo maa tu o nya fo.

Fiɛlɔ 8:12

Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 23:5

E maa pee Egipt bi po nyakpɛ, nɛ a maa hao, ke a nu kaa a kpata Tiro hɛ mi ɔ.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Mose V, 11:25

He tsuaa he nɛ nyɛ maa ya ngɛ jamɛ a zugba a nɔ ɔ, Yawɛ ma ha ni ɔmɛ maa ye nyɛ gbeye kaa bɔ nɛ e wo si ɔ, nɛ nɔ ko nɔ ko be nyɛ nyɛe.

Mose V, 2:25

Kɛ je mwɔnɛ nɛ ɔ kɛ yaa a, ma ha nihi nɛ ngɛ je ɔ mi tsuo maa ye nyɛ gbeye. Ke a wo nyɛ ta a, sawale maa nu nɔ tsuaa nɔ.’

Mose V, 28:10

Lɔ ɔ loko je ma amɛ tsuo maa na kaa Yawɛ hla nyɛ nɛ nyɛɛ pee lɛ nitsɛ e ma, nɛ a maa ye nyɛ gbeye.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 2:8

Benɛ slaali ɔmɛ na we nɛ a hwɔ si ɔ, yo ɔ ya na mɛ ngɛ tsu ɔ yi mi.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yoshua 6:2

Yawɛ de Yoshua ke, “I ngɔ Yeriko, kɛ a matsɛ ɔ, kɛ a ta buli katsɛmɛ ɔmɛ tsuo ngɔ wo o dɛ.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Manyadali 7:14

Kɛkɛ nɛ e nyɛmi ɔ he nɔ, nɛ e de ke, “Nɔ́ nɛ ɔ, pi nɔ́ kpa ko; Yoash binyumu Gideon, Israel no ɔ klaate ɔ ji lɔ ɔ nɛ! Mawu ngɔ Midian bi ɔmɛ kɛ a tabo ɔ tsuo ngɔ wo e dɛ mi!”