Yoshua 2:3 - BAIBLO ALOO NGMAMI KLƆUKLƆU Ɔ

³ lɔ ɔ he ɔ, e tsɔ kɛ ya de Rahab ke, “Nyumu ɔmɛ nɛ ba to o we ɔ mi ɔ, zugba a tsuo slaami a ba a nɛ! Je mɛ kpo kɛ ba!”

Yoshua 2:3 ပူးပေါင်းရင်းမြစ်များ

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Mose I, 42:31

Wa de lɛ ke, ‘Tsa pi slaali ji wɔ; anɔkualetsɛmɛ ji wɔ.

Samuel II, 10:3

Amon ganɔ ɔmɛ bi a matsɛ Hanun ɔ ke, “O susu kaa David tsɔ nihi ba ha mo lakpoo, konɛ e kɛ wo o tsɛ hɛ mi nyami lo? Dɛbi! Ni ɔmɛ nɛ David tsɔ kɛ ba o ngɔ ɔ, pe a ba nɛ a ba slaa ma a, nɛ a kɛ kpa níhi si loko a ba tua wɔ.”

Samuel II, 17:20

Benɛ Absalom tsɔli ɔmɛ ba su we ɔ mi ɔ, a bi yo ɔ ke, “Jije Ahimaaz kɛ Yonatan ngɛ?” Yo ɔ he nɔ ke, “A po pa a kɛ ho.” Ni ɔmɛ hla mɛ hluu, se a nɛ mɛ; kɛkɛ nɛ a kpale a se kɛ ho Yerusalem ya.

Kronika I, 19:3

Amon ganɔ ɔmɛ bi a matsɛ ɔ ke, “O susu kaa David tsɔ nihi ba ha mo lakpoo konɛ e kɛ wo o tsɛ hɛ mi nyami lo? Dɛbida! Ni ɔmɛ nɛ David tsɔ kɛ ba o ngɔ ɔ, pe a ba nɛ a ba slaa ma a, nɛ a kɛ kpa níhi si loko a ba tua wɔ.”

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

Mose III, 24:14

“Jé nyumu ɔ nɛ bɔ musu ɔ kpo kɛ je ma sito he ɔ. Nɔ tsuaa nɔ nɛ nu e musu bɔmi munyu ɔ, é ngɔ e nine ngɔ pue nyumu ɔ yi mi, konɛ ma a tsuo nɛ fia lɛ tɛ.

Yohane 19:4

Pilato kpale je kpo ekohu, nɛ e de ma kpekpemi ɔ ke, “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ na nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Ni Tsumi 12:4

Benɛ a nu Petro ɔ, a wo lɛ tsu, nɛ a tu lɛ ngɔ wo ta buli a dɛ mi nɛ a bu e he. A dla ta buli ɔmɛ a mi eywiɛ, nɛ ta buli eywiɛ ngɛ kuu tsuaa kuu mi. Herode to kaa ke a ye Hetsɔmi ɔ ta pɛ e maa ngɔ Petro kɛ ha ma a nɛ a kojo lɛ.

Ni Tsumi 12:6

Nyɔ ɔ mi, loko je maa na nɛ Herode maa ngɔ Petro kɛ ba ma a hɛ mi, konɛ a kojo lɛ ɔ, Petro hwɔɔ si ngɛ ta buli enyɔ a kpɛti. A kɛ kɔsɔkɔsɔ enyɔ bɔ lɛ pã, nɛ buli daa si ngɛ sinya a nya nɛ a ngɛ tsu ɔ he bue.

Yoshua 10:23

Kɛkɛ nɛ a bli tɛ puɔ ɔ nya, nɛ a je matsɛmɛ ɔmɛ kɛ ba ha Yoshua. Mɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Yoshua 2:2

Yeriko matsɛ ɔ nu kaa Israel bi komɛ ba jamɛ a nyɔ ɔ mi nɛ́ a ba slaa zugba a,

Yoshua 2:4

Rahab de tsɔli ɔmɛ ke, “Anɔkuale mi ɔ, nyumu komɛ ba ye ngɔ, se i li he nɛ a je. Be nɛ du bu, nɛ a ma nga agbo ɔ, a je kpo. I li he nɛ a gu; se ke nyɛ nyɛɛ a se mlamlaamla a, nyɛ ma ya ná mɛ.” (Loko tsɔli ɔmɛ ba a, yo ɔ ngɔ slaali enyɔ ɔmɛ kɛ ho tsu ɔ yi mi ya, nɛ e ngɔ mɛ ya laa momo ngɛ go nɛ e ka ngɛ lejɛ ɔ sisi).

Manyadali 4:20

Lɔ ɔ se ɔ, Sisera de lɛ ke, “Yaa da si ngɛ bo tsu sinya a nya. Ke nɔ ko ba bi mo ke nɔ ko ngɛ hiɛ ɔ lo ɔ, de lɛ ke, ‘Dɛbi.’ ”