Yoshua 2:19 - BAIBLO ALOO NGMAMI KLƆUKLƆU Ɔ

¹⁹ Nɔ tsuaa nɔ nɛ maa je kpo kɛ je o we ɔ mi, nɛ nɔ́ ko maa pee lɛ ɔ, e gbenɔ ɔ je lɛ nitsɛ e tue gbomi, pi wɔ. Se nɔ tsuaa nɔ nɛ maa hi o ngɔ ngɛ o we ɔ mi ɔ, ke nɔ ko nine ta e he ɔ, e gbenɔ ɔ maa pee wa sane.

Yoshua 2:19 ပူးပေါင်းရင်းမြစ်များ

Samuel II, 1:16

David de Amalek no ɔ ke, “O musu tloo mo; ejakaa mo nitsɛ o kɛ o nya ye odase ke, ‘I gbe nɔmlɔ nɛ Yawɛ pɔ lɛ nu ɔ.’ ”

Samuel II, 4:11

Lɛɛ ke nyɛ dikali nyɛ ya gbe nɔ ko nɛ pee we yayami ko kɛ wo sa mi ngɛ lɛ nitsɛ e we mi ɔ, anɛ e sɛ kaa i yeɔ e gbenɔ ɔ he lue, nɛ ma kpata nyɛ hɛ mi kɛ je zugba a nɔ lo?”

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Mose II, 12:22

Nyɛɛ ngɔ muɔ ɔ kɛ wo kã mi. Lɔ ɔ se ɔ, nyɛɛ fi nga kɛ bla kaa bɛ, nɛ nyɛ kɛ sɔ muɔ ɔ kɛ kpa sinya tso enyɔ ɔmɛ, kɛ yiti nɔ́ ɔ a he. Nyɛ ti nɔ ko nɛ ko gu sinya a nya kɛ je kpo kɛ yaa si mɔtu,

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

Mose III, 20:11

Ke nɔ ko kɛ e tsɛ e yo na bɔmi ɔ, e pue e tsɛ ɔ hɛ mi si. Á gbe nyumu ɔ kɛ yo ɔ tsuo. A gbenɔ ɔ sa mɛ nitsɛmɛ.

Mose III, 20:9

Yawɛ wo mlaa nɛ ɔmɛ hulɔ. Nɔ tsuaa nɔ nɛ maa gbiɛ e tsɛ, loo e nyɛ ɔ, á gbe lɛ; e gbenɔ ɔ sa lɛ nitsɛ.

Mateo 24:17

Nɔ nɛ ngɛ tsu yi mi ɔ, e ko kple si ya ngɔ e níhi ngɛ we ɔ mi.

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Ni Tsumi 20:26

Lɔ ɔ he ɔ, mwɔnɛ ligbi nɛ ɔ, i ngɛ nyɛ kita kae ke, ke nyɛ ti nɔ ko hɛ mi kpata a, lɛ nitsɛ e musu tloo lɛ.

Ni Tsumi 27:31

Se Paulo de asafoatsɛ ɔ, kɛ ta buli ɔmɛ ke, “Ke lɛ mi ní tsuli ɔmɛ je lɛ ɔ mi lɛɛ nyɛ be je mi tlɔe.”

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Yoshua 2:12

Lɔ ɔ he ɔ, nyɛ ka mi kita ngɛ Yawɛ biɛ mi kaa bɔ nɛ i pee nyɛ kpakpa nɛ ɔ, nyɛ hu nyɛ maa pee ye weku li kpakpa ja nɔuu, nɛ nyɛ maa to mi okadi ko.

Yoshua 2:14

Slaali ɔmɛ de yo ɔ ke, “Wa ngɛ mo kita kae kaa ke o ya tsɔɔ we wa se blɔ, nɛ Yawɛ ha wa nine su zugba a nɔ ɔ, wa maa na mo mɔbɔ, nɛ wa maa ye wa si womi ɔ nɔ.”

Yoshua 2:20

Se ke o ya tsɔɔ wa se blɔ ɔ, lɛɛ wa he je kita nɛ o ha wa ka mo ɔ mi.”