Yoshua 2:18 - BAIBLO ALOO NGMAMI KLƆUKLƆU Ɔ

¹⁸ Ke wa ba su zugba nɛ ɔ nɔ ɔ, fí kpa tsu nɛ ɔ kɛ kpla saflɛ nɛ o kɛ wɔ gu mi kɛ kple si ɔ he. Ha o tsɛ, kɛ o nyɛ, o nyɛmimɛ ɔmɛ, kɛ o tsɛ weku li ɔmɛ tsuo nɛ a ba bua a he nya ngɛ o we ɔ mi hiɛ ɔ.

Yoshua 2:18 ပူးပေါင်းရင်းမြစ်များ

Yoshua 6:23

Kɛkɛ nɛ nihewi ɔmɛ ho nɛ a ya ngɔ Rahab kɛ e tsɛ, kɛ e nyɛ, e nyɛmimɛ ɔmɛ, kɛ e weku li kpa amɛ tsuo kɛ ba. A ha nɛ a kɛ a nyɔguɛ ɔmɛ tsuo ya hi Israel bi ɔmɛ a ma sito he ɔ se.

Yoshua 2:21

Yo ɔ he nɔ ke, “Ma pee bɔ nɛ nyɛ de ɔ.” Kɛkɛ nɛ e wo slaali ɔmɛ blɔ nɛ a ho. Lɔ ɔ se ɔ, e ngɔ kpa tsu ɔ nɛ e fi kɛ wo saflɛ ɔ he.

Hebribi 9:19

Kekleekle ɔ, Mose tsɔɔ ma a mlaa amɛ tsuo nɛ Mawu wo ɔ kaa bɔ nɛ mlaa a nitsɛ tsɔɔ ɔ. Lɔ ɔ se ɔ, e ngɔ nga nɛ a fi kɛ bla kaa bɛ, kɛ jijɔ he bwɔmi tsutsuu kɛ sɔ na kɛ to muɔ, kɛ nyu, nɛ e kɛ fĩa womi kpo ɔ nitsɛ, kɛ ma mluku ɔ tsuo a nɔ.

Ni Tsumi 10:33

Lɔ ɔ he ɔ, amlɔ nɔuu ɔ, i tsɔ nihi o ngɔ; nɛ o pee saminya kaa o ba. Amlɔ nɛ ɔ nɛ wɔ tsuo wa ba bua ngɛ Nyɔmtsɛ hɛ mi ngɛ hiɛmɛ nɛ ɔ, nɔ́ tsuaa nɔ́ ko nɛ Nyɔmtsɛ ɔ de mo ɔ, wa suɔ nɛ waa maa nu.”

Mose III, 14:4

e fa nɛ a kɛ lohwe pɛlitsɛmɛ nɛ a he tsɔ enyɔ, seda tso, kɔjai, kɛ nga nɛ a fi kɛ bla kaa bɛ nɛ ba.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

Ni Tsumi 11:14

Ke e ba a, e ma de mo níhi nɛ a maa gu nɔ kɛ he mo nitsɛ, kɛ o we ɔ tsuo nyɛ yi wami.’

Ni Tsumi 10:27

Petro kɛ Kornelio sɛɛ ní hluu kɛ ya sɛ we ɔ mi. Petro na kaa nihi babauu ba bua a he nya ngɛ lejɛ ɔ.

Luka 19:9

Yesu de lɛ ke, “Yi wami hemi ba we nɛ ɔ mi mwɔnɛ ɔ; ejakaa nyumu nɛ ɔ hu Abraham nina ji lɛ.

Mose IV, 19:6

Lɔ ɔ se ɔ, osɔfo ɔ nɛ hla seda tso, kɛ nga nɛ a fi kaa bɛ, kɛ kpa tsu, nɛ e sake mɛ ngɔ pue la a nɛ a ngɛ na yo ɔ sãe ngɛ nɔ ɔ mi.

Mose IV, 4:8

A ngɔ bo tsu kɛ ha ní nɛ ɔmɛ a nɔ, nɛ a ngɔ apletsi he womi nɛ a je blɔ pee hu kɛ ha he, loko a ngɔ tsohi nɛ a kɛ maa hɛɛ okplɔɔ ɔ kɛ hɔɔ a blɔ hehi.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 7:1

Yawɛ de Noa ke, “Yaa sɛ lɛ ɔ mi; mo, kɛ nihi nɛ ngɛ o we ɔ mi ɔ tsuo; ejakaa i na kaa mo pɛ ji nɔ nɛ peeɔ nɔ́ nɛ da ngɛ je ɔ mi tsuo.

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

Lahi 4:3

O nya lo ngɛ kaa kpa tsu. Ke o pa o nya mi nɛ o maa tu munyu ɔ, e ngɛ fɛu kɛkɛ. O tsitsa ngɛ tsɛ̃e ngɛ o hɛ mi hami nɔ́ ɔ se.

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Yoshua 6:25

Yoshua baa Rahab, yo ajuama a, kɛ e weku li ɔmɛ tsuo a yi; ejakaa e ngɔ slaali enyɔ ɔmɛ nɛ Yoshua tsɔ Yeriko ɔ kɛ laa. Rahab nina kɛ Israel bi ɔmɛ ngɛ kɛ ba si mwɔnɛ ɔ.