Yoshua 2:12 - BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, nyɛ ka mi kita ngɛ Yawɛ biɛ mi kaa bɔ nɛ i pee nyɛ kpakpa nɛ ɔ, nyɛ hu nyɛ maa pee ye weku li kpakpa ja nɔuu, nɛ nyɛ maa to mi okadi ko.

Yoshua 2:12 ပူးပေါင်းရင်းမြစ်များ

Mose I, 21:23

Lɔ ɔ he ɔ, ka mi kita ngɛ Mawu hɛ mi ngɛ hiɛmɛ nɛ ɔ, kaa o be imi, aloo ye bimɛ, aloo ye nina sisie kɔkɔɔkɔ. Kaa bɔ nɛ i kɛ mo hi si saminya a, mo hu o kɛ imi, kɛ zugba a nɛ o ba to nubwɔ ngɛ nɔ ɔ nɛ hi si ja nɔuu.”

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Mose I, 24:9

Kɛkɛ nɛ tsɔlɔ ɔ ngɔ e nine kɛ wo e nyɔmtsɛ Abraham fiɔ enyɔ ɔmɛ a kpɛ, nɛ e ka kita kaa e maa pee bɔ nɛ Abraham de lɛ ɔ.

Mose I, 40:14

Se, i kpa mo pɛɛ, ke níhi a mi ya hi ha mo ɔ, mo kai mi nɛ o na mi mɔbɔ; moo tu ye he munyu kpakpa ha Farao ɔ, nɛ e ba je mi kɛ je tsu nɛ ɔ mi.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Marko 14:44

Nɔ nɛ maa tsɔɔ e se blɔ ɔ to mɛ okadi ko ke, “Nɔ nɛ ma fiɔ e nya he ɔ, lɛ ji nɔ ɔ nɛ; nyɛɛ nu lɛ, nɛ nyɛɛ hɛɛ lɛ kɛ ho slɔkee.”

Romabi 1:31

a he nile gbo; ke a wo si ɔ, a yi nɔ, nɛ a nɛ́ mɔbɔ.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Yoshua 2:13

Nyɛɛ wo mi si kaa nyɛ ma he ye tsɛ kɛ ye nyɛ, ye nyɛminyumu ɔmɛ, ye nyɛmiyi ɔmɛ, kɛ mɛ tsuo pɛpɛɛpɛ a weku kɛ nina a yi wami, nɛ nyɛ be hae nɛ a gbe wɔ!”

Yoshua 2:18

Ke wa ba su zugba nɛ ɔ nɔ ɔ, fí kpa tsu nɛ ɔ kɛ kpla saflɛ nɛ o kɛ wɔ gu mi kɛ kple si ɔ he. Ha o tsɛ, kɛ o nyɛ, o nyɛmimɛ ɔmɛ, kɛ o tsɛ weku li ɔmɛ tsuo nɛ a ba bua a he nya ngɛ o we ɔ mi hiɛ ɔ.

Yoshua 2:19

Nɔ tsuaa nɔ nɛ maa je kpo kɛ je o we ɔ mi, nɛ nɔ́ ko maa pee lɛ ɔ, e gbenɔ ɔ je lɛ nitsɛ e tue gbomi, pi wɔ. Se nɔ tsuaa nɔ nɛ maa hi o ngɔ ngɛ o we ɔ mi ɔ, ke nɔ ko nine ta e he ɔ, e gbenɔ ɔ maa pee wa sane.

Yoshua 6:22

Lɔ ɔ se ɔ, Yoshua de nihewi enyɔ nɛ ya slaa zugba a ke, “Nyɛɛ ya yo ajuama a we ɔ mi nɛ nyɛ ya ngɔ lɛ, kɛ e weku li nɛ ngɛ lejɛ ɔ kɛ ba kaa bɔ nɛ nyɛ ka lɛ kita a.”

Yoshua 9:15

Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Manyadali 1:24

Slaali ɔmɛ na nyumu ko nɛ je ma a mi kɛ ma, nɛ a de lɛ ke, “Wa kpa mo pɛɛ nɛ o tsɔɔ wɔ blɔ nɛ a kɛ yaa ma a mi. Ke o tsɔɔ wɔ blɔ ɔ, wa maa na mo mɔbɔ.”

Samuel I, 30:15

David bi lɛ ke, “Anɛ o ma nyɛ maa tsɔɔ mi he nɛ nimli nɛ ɔmɛ ngɛ lo?” Niheyo ɔ he nɔ ke, “Ke o maa wo si ngɛ Mawu biɛ mi kaa o be mi gbee, nɛ jehanɛ hu, o be mi jee kɛ wo ye nyɔmtsɛ ɔ dɛ mi ɔ, lɛɛ i kɛ mo maa ya.”