Yoshua 2:11 - BAIBLO ALOO NGMAMI KLƆUKLƆU Ɔ

¹¹ Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 2:11 ပူးပေါင်းရင်းမြစ်များ

Mose V, 4:39

Lɔ ɔ he ɔ, mwɔnɛ ɔ, nyɛ na nyɛɛ le, nɛ nyɛ hɛ ko je nɔ gblegbleegble kaa Yawɛ ji Mawu ngɛ hiɔwe kɛ zugba; e se ɔ, nɔ ko be.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Yoshua 7:5

Ai bi ɔmɛ wo mɛ fo kɛ je ma a agbo ɔ nya kɛ ya su he nɛ a gbaa tɛ ngɛ ɔ, nɛ a gbe Israel bi ɔmɛ maa pee nihi nyingmi etɛ kɛ ekpa benɛ a ngɛ si kplee ɔ. Nɛ e pee ja a, Israel ma a tsui po, nɛ a he jɔ kaa nyu.

La 102:15

Je ma amɛ tsuo maa ye Yawɛ gbeye. Zugba a nɔ matsɛmɛ ɔmɛ tsuo maa ye e hɛ mi nyami ɔ gbeye.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Matsɛmɛ I, 8:60

bɔ nɛ pee nɛ je ma amɛ tsuo nɛ a le kaa Yawɛ pɛ ji Mawu; e se ɔ, mawu kpa ko be hu.

Kpojemi 6:16

A de yo ɔmɛ, kɛ tɛ sa amɛ ke, “Nyɛ ba ha wa nɔ, konɛ nɔ nɛ hii si ngɛ matsɛ sɛ ɔ nɔ ɔ ko na wɔ, nɛ́ To bi ɔ hu ko gbla wa tue!

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

Yoshua 14:8

Ye nyɛmimɛ ɔmɛ nɛ kɛ mi ya a ha ma a tsui po; se imi lɛɛ i bu Yawɛ, ye Mawu ɔ tue kɛ pi si.

Mose V, 20:8

“Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose II, 15:14

Je ma amɛ nu he, nɛ a tsui po; sawale nu Filisti bi ɔmɛ.

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Matsɛmɛ II, 5:15

Lɔ ɔ se ɔ, e kɛ e we bi ɔmɛ tsuo kpale kɛ ho Mawu nɔmlɔ ɔ ngɔ ya, nɛ e ya de lɛ ke, “Kpaako loko i na kaa Mawu ko Mawu ko be je ɔ mi he ko he ko kaa ja Israel Mawu ɔ ngɛ hiɛmɛ nɛ ɔ. Lɔ ɔ he ɔ, ye nyɔmtsɛ, i kpa mo pɛɛ, nike ní bɔɔ ko nɛ i hɛɛ kɛ ba ha mo ji nɛ ɔ nɛ.”

La 58:7

Ha nɛ a laa kaa pa nɛ ngɛ fae; ha nɛ a naa a nɔ kaa a naa nga gbigbli nɔ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Ezekiel 21:15

Bɔ nɛ pee nɛ sawale nɛ nu ye ma a, nɛ nihi fuu a hɛ mi nɛ kpata a, i ngɔ klaate nɛ he ngɛ kpɛe nylamnylam kaa oslabai nɛ gbee nɔ hulɔ kɛ tsɔɔ ma a.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Nehemia 6:16

Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.