Yoshua 2:10 - BAIBLO ALOO NGMAMI KLƆUKLƆU Ɔ

¹⁰ Wa nu bɔ nɛ Yawɛ ha Wo Tsu ɔ mii ngɛ nyɛ hɛ mi be nɛ nyɛ je Egipt ɔ. Jehanɛ hu wa nu nɔ́ nɛ nyɛ pee Amor bi ɔmɛ a matsɛmɛ ɔmɛ ngɛ Yordan ɔ se ɔ. Wa nu bɔ nɛ nyɛ kpata Sihon kɛ Og a hɛ mi pɛsɛpɛsɛ ha.

Yoshua 2:10 ပူးပေါင်းရင်းမြစ်များ

La 74:15

O ha nɛ pa tsɔwitsɔwihi hia kɛ be, nɛ pa nguahi lɛɛ a mi nyu mii ta.

Mose IV, 20:14

Mose tsɔ nihi kɛ je Kadesh ke a ngɔ sɛ gbi ya ha Edom matsɛ, nɛ a de lɛ ke, “Bɔ nɛ o nyɛmimɛ Israel bi ɔmɛ de ji nɛ ɔ nɛ: mo nitsɛ o le amanehluhi nɛ wa na;

Mose IV, 23:22

Mawu ji nɔ nɛ je mɛ kɛ je Egipt. Israel he wami ngɛ kaa na ku he wami.

Mose IV, 24:8

Benɛ Mawu je lɛ kɛ je Egipt kɛ ma a, e he wami ngɛ kaa pu mi na ku he wami. Ma je li ɔmɛ nɛ ji e he nyɛli ɔmɛ ɔ, e maa ye mɛ tsuatsuaatsua; e maa ywia a wu ɔmɛ mɔnyɔmɔnyɔ, nɛ e kɛ e kɛ̃ɛ̃ mi bi ɔmɛ maa gbɔ a mi mi kɛ ya pa si.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Yoshua 24:12

Benɛ nyɛ ngɛ blɔ ɔ nɔ kɛ ma a, i ha sawale nu mɛ. I pee enɛ ɔ kɛ fie Amor matsɛmɛ enyɔ ɔmɛ kɛ je nyɛ blɔ mi. Pi nyɛ klaate, nɛ pi nyɛ kɛ̃ɛ̃ nɛ ye kunimi nɛ ɔ.

Yoshua 4:24

Enɛ ɔ ma ha je ɔ tsuo maa na Yawɛ he wami ɔ, nɛ nyɛ maa ye Yawɛ, nyɛ Mawu ɔ gbeye daa.”

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.