Yoshua 19:51 - BAIBLO ALOO NGMAMI KLƆUKLƆU Ɔ

⁵¹ Weto ní nɛ osɔfo Eleazar, Nun bi Yoshua, kɛ Israel wɛtsoyi ɔmɛ dla kɛ ha ma a ji nɛ ɔmɛ nɛ. A fɔ sɔ kɛ bi Yawɛ ga womi, nɛ a dla weto ní nɛ ɔmɛ ngɛ Shilo kpe he bo tsu ɔ sinya a nya. Bɔ nɛ a dla zugba a ha ji nɛ ɔ nɛ.

Yoshua 19:51 ပူးပေါင်းရင်းမြစ်များ

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

Mateo 20:23

Yesu de mɛ ke, “Ee, nyɛ maa nu. Se kaa nɔ ko maa hi ye hiɔ nɔ, loo ye muɔ nɔ ɔ, jamɛ a blɔ nya a lɛɛ pi imi nɛ i haa nɔ. Blɔ he nɛ ɔmɛ fɔɔ si kɛ ha nihi nɛ Tsaatsɛ nitsɛ dla kɛ to ɔ.”

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Ni Tsumi 13:19

E kpata je ma kpaago a hɛ mi ngɛ Kanaan zugba a nɔ, nɛ e dla zugba a ngɔ ha e ma a, konɛ e pee a nɔ́.

Yoshua 14:1

Bɔ nɛ a dla Kanaan zugba a nɛ ngɛ Yordan bonyoku je ɔ ngɔ ha Israel bi ɔmɛ kaa a weto ní ji nɛ ɔ nɛ. Osɔfo Eleazar, Nun binyumu Yoshua, kɛ Israel wɛtsoyi ɔmɛ dla zugba a ngɔ ha ma a.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.

Yoshua 20:1

Enɛ ɔ se ɔ, Yawɛ de Yoshua ke

Manyadali 21:19

Kɛkɛ nɛ a kai kaa daa jeha a, a yeɔ Yawɛ nyami ligbi ko ngɛ Shilo nɛ ngɛ Lebona kɛ Betel a kpɛti ɔ, ngɛ gbɛjegbɛ ɔ nɛ je Betel kɛ yaa Shekem ɔ beleku je ɔ.

Manyadali 21:21

Ke nyami ligbi ɔ su, nɛ Shilo zangmawi ɔmɛ ba nɛ a ba ngɛ doe ɔ, nyɛɛ je wai ngmɔ ɔmɛ a mi kɛ ba. Ke nyɛ ba a, nyɛ ti nɔ tsuaa nɔ nɛ nu Shilo zangmayo kake pani nya, nɛ e ngɔ lɛ kɛ ya Benyamin zugba a nɔ, nɛ e ya pee e yo.

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.