Jamɛ a ligbi ɔ nɛ́ Yawɛ ha Israel ye Amor bi ɔmɛ a nɔ kunimi ɔ, Yoshua kɛ Yawɛ tu munyu ngɛ Israel bi ɔmɛ a hɛ mi, nɛ e de ke, “Pu, da si ngɛ Gibeon, nɛ mo nyɔhiɔ hu, da si ngɛ Aiyalon kɔ̃ ɔ mi.”
Amor bi ɔmɛ hi Heres yo ɔ nɔ, Aiyalon, kɛ Shaalbim; se Yosef nina nɛ ji Efraim kɛ Manase ɔ, a nine si wa ngɛ Amor bi ɔmɛ a nɔ, nɛ a nyɛ a nɔ nɛ a tsu ní ha mɛ.
A ya kpa Efraim yo ɔ nɔ, kɛ Shalisha zugba a nɔ, se a nɛ teji ɔmɛ. A tsa nɔ kɛ ya gu Shaalim zugba a nɔ, se teji ɔmɛ be lejɛ ɔ hulɔ. Jehanɛ, a ya gu Benyamin zugba a nɔ, se a nɛ mɛ.
