Salomo kɛ Israel ma kpekpemi ɔ tsuo ye Gbasisihimi nyami be ɔ ngɛ Yawɛ we ɔ otsi. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ngɛ omleyi je, kɛ ya si Egipt huzu ɔ he ngɛ leneyi je.
Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.
Jehanɛ, ngɛ beleku je ɔ, a zugba a huzu ya su Yordan pa a nya. E je Galilea wo ɔ nya ngɛ omleyi je kɛ ya na Ngo wo ɔ ngɛ leneyi je, ngɛ Pisga yo ɔ he ngɛ beleku je.
kɛ matsɛmɛ ɔmɛ nɛ ngɛ yo ɔmɛ a nɔ ngɛ omleyi je, kɛ Yordan kɔ̃ ɔ mi ngɛ Galilea wo ɔ leneyi je, kɛ nga kpataa a nɔ, kɛ ni nɛmɛ nɛ ngɛ wo ɔ nya ngɛ Dor kasa nya a.
Ngɛ Yordan kɔ̃ ɔ mi ɔ, mahi nɛ ngɛ lejɛ ɔ ji Bet Haram, Betnimra, Sukot, Safon, kɛ Heshbon nɛ ji Matsɛ Sihon nɔ yemi he nɛ piɛ ɔ. Bonyoku je huzu ɔ je Yordan pa a nya kɛ ya su Galilea wo ɔ nya tɔɔ ngɛ omleyi je.
Jehanɛ, huzu ɔ plɛ tsɔɔ bonyoku je kɛ ya gu Aznot Tabor kɛ ho Hukok ya. Naftali kɛ Zebulun wo huzu ngɛ leneyi je; a kɛ Asher wo huzu ngɛ bonyoku je, nɛ Yordan pa a peeɔ a huzu ngɛ beleku je.
Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.
Ligbi ko ɔ, e tsɔ ya tsɛ Abinoam binyumu Barak ngɛ Kedesh nɛ ngɛ Naftali ɔ kɛ ba, nɛ e de lɛ ke, “Yawɛ, Israel Mawu ɔ ngɛ mo fae ke, ‘Yaa nɛ o ya hla nyumuhi akpe nyɔngma kɛ je Naftali kɛ Zebulun wɛtso ɔmɛ a mi, nɛ o kɛ mɛ nɛ ba Tabor yo ɔ nɔ.