Yoshua 18:8 - BAIBLO ALOO NGMAMI KLƆUKLƆU Ɔ

⁸ Ni ɔmɛ nɛ a hla a pue nɔ kɛ ho, konɛ a ya kpa zugba a nɔ, nɛ a pee zugba a he womi kaa bɔ nɛ Yoshua fa mɛ ɔ. Yoshua de mɛ ke, “Nyɛɛ ya nɛ nyɛ ya kpa zugba a tsuo nɔ, nɛ nyɛɛ pee e he womi, konɛ nyɛɛ kpale kɛ ba ye ngɔ. Lɔ ɔ se ɔ, ma fɔ sɔ ha nyɛ ngɛ Shilo hiɛ ɔ, ngɛ Yawɛ hɛ mi.”

Yoshua 18:8 ပူးပေါင်းရင်းမြစ်များ

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.

Samuel I, 14:41

Saul de ke, “Yawɛ Israel Mawu lee, mɛni he je o pui ye nya mi mwɔnɛ ɔ? Ha mi heto kɛ tɛ klɔuklɔu ɔmɛ. Yawɛ Israel Mawu lee, ke imi, loo ye bi Yonatan le nɔ́ nɛ ɔ he nɔ́ ko ɔ, moo tsɔɔ Urim; se ke o ma, Israel nɛ pee yayami ɔ, lɛɛ moo tsɔɔ Tumim.” Sɔ ɔ ya nɔ Saul kɛ e bi Yonatan a nɔ, nɛ Israel he je mi.

Yoshua 18:6

Zugba a nɛ a gba mi kpaago ɔ, nyɛɛ kale mi gbami ɔmɛ eko tsuaa eko, nɛ nyɛɛ ngma kɛ ba ha mi. Lɔ ɔ se ɔ, ma fɔ sɔ ha nyɛ ngɛ Yawɛ, wa Mawu ɔ hɛ mi.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Yoshua 15:1

Zugba nɛ a ha Yuda wɛtso ɔ we puɔ nya we puɔ nya a, bɔ nɛ e fɔ si ji nɛ ɔ nɛ. Zugba a leneyi je ngɛ Zin nga kplanaa a nyagbe tɔɔ, ngɛ Edom huzu ɔ nya.

Yoshua 13:7

Lɔ ɔ he ɔ, dla zugba a ha wɛtso nɛɛ ɔmɛ, kɛ Manase wɛtso fa a, nɛ e pee a nɔ.”

Mose I, 13:17

Yaa nɛ o ya kpa zugba a tsuo nɔ, ejakaa ma ngɔ kɛ wo o dɛ mi.”

Yoshua 18:9

Ni ɔmɛ ho nɛ a ya kpa zugba a nɔ tsuo, nɛ a pee zugba a he womi, nɛ a tsɔɔ bɔ nɛ a gba mi kpaago ha, kɛ mahi nɛ ngɛ zugba a nɔ. Enɛ ɔ se ɔ, a kpale kɛ ba Yoshua ngɔ ngɛ ma sito he ɔ ngɛ Shilo.

Yesaya 34:17

Yawɛ nitsɛ lɛ fɔ sɔ nɛ e dla zugba a pɛpɛɛpɛ ha mɛ, nɛ nɔ tsuaa nɔ ná eko. Zugba a maa pee a nɔ́ kɛ maa ya neneene, nɛ lejɛ ɔ a maa hi daa.