Yoshua 18:28 - BAIBLO ALOO NGMAMI KLƆUKLƆU Ɔ

²⁸ Zela, Haelef, Yebus (loo Yerusalem), Gibea, kɛ Kiriat Yearim. E peeɔ ma nyɔngma kɛ eywiɛ kɛ a he kɔpehi. Zugba nɛ Benyamin bi ɔmɛ ná kaa a weto ní we puɔ nya we puɔ nya ji nɛ ɔ nɛ.

Yoshua 18:28 ပူးပေါင်းရင်းမြစ်များ

Samuel II, 21:14

A ya pu Saul kɛ e bi Yonatan a wu ɔmɛ ngɛ Benyamin zugba a nɔ ngɛ Zela, ngɛ e tsɛ Kish yɔkɔ ɔ mi; nɛ a pee nɔ́ tsuaa nɔ́ kaa bɔ nɛ matsɛ ɔ fa mɛ ɔ. Lɔ ɔ se ɔ, Mawu bu a kue nɛ a fa kɛ ha ma a tue.

Yoshua 15:8

Jehanɛ, huzu ɔ nyɛɛ Hinom kɔ̃ ɔ mi kɛ kuɔ yo ɔ ngɛ leneyi je, he nɛ Yebus bi ɔmɛ ma Yerusalem ngɛ ɔ. Huzu ɔ kuɔ yo ɔ ngɛ bonyoku je, kɛ ya gu Refaim kɔ̃ ɔ we omleyi je.

Hosea 10:9

Yawɛ ke, “Kɛ je be nɛ Israel pee yayami kɛ si mi ngɛ Gibea a, anɛ e sɛ kaa ta ba naa mɛ ngɛ Gibea lo?

Yesaya 10:29

A gu yo kpɛ blɔ ɔ kɛ ya hwɔ Geba nyɔ mi! Nihi nɛ a ngɛ Rama ma a mi ɔ ye gbeye, nɛ Matsɛ Saul ma, Gibea bi ɔmɛ ma fo.

Samuel II, 5:8

Jamɛ a ligbi ɔ, David de e we bi ɔmɛ ke, “Nɔ tsuaa nɔ nɛ maa suɔ nɛ e gbe Yebus bi ɔmɛ ɔ, nɔ ɔ nɛ e su nyu dɔ ɔ he, nɛ e ya tua jamɛ a akpaketsɛmɛ ɔmɛ, kɛ hɛ yuyuili ɔmɛ. Nyɛ li bɔ nɛ i sume mɛ ha po!” Enɛ ɔ he je nɛ a deɔ ke, “E sɛ kaa hɛ yuyuili kɛ akpaketsɛmɛ baa Yawɛ we ɔ” nɛ.

Samuel I, 10:26

Saul hu kpale e se kɛ ho e ma mi, Gibea ya. Benɛ e yaa a, Mawu je nyumuhi oblai komɛ ha lɛ, nɛ a kɛ lɛ ho.

Yoshua 18:16

Jehanɛ, huzu ɔ kple si kɛ ho yo ɔ nɛ ngɛ Hinom kɔ̃ ɔ mi ɔ kuɔ si ya, ngɛ Refaim kɔ̃ ɔ omleyi je. E gu Hinom kɔ̃ ɔ mi, ngɛ Yebus bi ɔmɛ a yoku ɔ leneyi je, kɛ ho Enrogel ya.

Yoshua 15:63

Yuda bi ɔmɛ nyɛ we nɛ a fie Yebus bi ɔmɛ nɛ hi Yerusalem ɔ kɛ je lejɛ ɔ. Lɔ ɔ he ɔ, Yebus bi ɔmɛ kɛ Yuda bi ɔmɛ ngɛ Yerusalem kɛ mwɔɔ.

Mose IV, 33:54

Nyɛɛ fɔ sɔ kɛ dla zugba a wɛtso nya wɛtso nya, kɛ weku nya weku nya. Wɛtso nɛ a he hiɛ ɔ, a ha mɛ zugba agbo; wɛtso nɛ a he pi ɔ, a ha mɛ bɔɔ pɛ.

Mose IV, 26:54

Wɛtso nya dali ɔmɛ nɛ a fɔ sɔ kɛ dla zugba a. Wɛtso nɛ mi bimɛ hiɛ ɔ, a na zugba agbo; se wɛtso nɛ mi bimɛ a he pi lɛɛ a na zugba bɔbɔyoo.”

Mose IV, 26:38

Benyamin wɛtso ɔ: wekuhi nɛ ngɛ mi ji Bela weku ɔ, kɛ a nyatsɛ Bela; Ashbel weku ɔ, kɛ a nyatsɛ Ashbel; Ahiram weku ɔ, kɛ a nyatsɛ Ahiram;

Yoshua 18:27

Rekem, Irpeel, Tarala,

Yoshua 19:1

Sɔ enyɔne ɔ je Simeon wɛtso ɔ, nɛ Simeon bi ɔmɛ ná a weto ní we puɔ nya we puɔ nya. A zugba a ya je Yuda wɛtso ɔ nɔ́ ɔ mi.

Samuel II, 5:6

Matsɛ David kɛ e we bi ɔmɛ ho ya tua Yerusalem. Yebus bi ɔmɛ nɛ ji zugba a nɔ bi ɔ, de David ke, “O be nyɛe maa ba hiɛ ɔ; hɛ yuyuili kɛ akpaketsɛmɛ po maa fie mo kɛ je hiɛ ɔ.” Blɔɔ a susumi ji David be nyɛe nɛ e ya lejɛ ɔ.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Manyadali 19:10

Se nyumu ɔ kplɛɛ we kaa e maa hwɔ lejɛ ɔ jamɛ a ligbi ɔ. E kɛ e plã a, e tsɔlɔ ɔ, kɛ teji enyɔ ɔmɛ nɛ a wo a nɔ ní ɔ pue nɔ kɛ ya si a ya su Yebus (nɛ ji Yerusalem) hanɔ.

Kronika I, 8:28

Ni nɛ ɔmɛ ji we puɔ nya dali kɛ a nina, nɛ a hi Yerusalem.