Yoshua 18:17 - BAIBLO ALOO NGMAMI KLƆUKLƆU Ɔ

¹⁷ Huzu ɔ gba kɛ je omleyi je kɛ ya Enshemesh, nɛ e tsa nɔ kɛ ya su Gelilot ngɛ Adumim yo kpɛ blɔ ɔ hanɔ. Jehanɛ e kple si kɛ ya su Bohan tɛ ɔ he. (Bohan ji Ruben binyumu ko).

Yoshua 18:17 ပူးပေါင်းရင်းမြစ်များ

Yoshua 15:6

su Bet Hogla, nɛ e ya be ngɛ kpongu ɔ nɛ ngɛ Yordan kɔ̃ ɔ he ɔ omleyi je. E kuɔ kɛ ya gu Bohan tɛ ɔ he. (Bohan ji Ruben binyumu ko.)

Yoshua 15:7

Kɛ je lejɛ ɔ, huzu ɔ ya gu Haomi kɔ̃ ɔ mi kɛ ya su Debir, nɛ e lɔgɔ kɛ gu Gilgal ngɛ Adumim yo kpɛ blɔ ɔ nɔ ngɛ kɔ̃ ɔ leneyi je. Huzu ɔ tsa nɔ kɛ ya gu Enshemesh pa a nya kɛ ya su Enrogel.

Yoshua 18:18

Huzu ɔ ya be ngɛ kpongu ɔ nɛ ngɛ Yordan kɔ̃ ɔ he ɔ we omleyi je, nɛ e kple si kɛ sɛ kɔ̃ ɔ mi ngɛ nga kplanaa a nɔ.