Yoshua 18:14 - BAIBLO ALOO NGMAMI KLƆUKLƆU Ɔ

¹⁴ Kɛ je yo ɔ beleku je ɔ, huzu ɔ gba kɛ gu he kpa. E ka e yi si kɛ ya gu leneyi je hluu kɛ ya su Kiriat Baal ngɛ Yuda wɛtso ɔ nɔ́ ɔ mi. Kiriat Baal biɛ kpa ji Kiriat Yearim. Bonyoku je huzu ɔ ji nɛ ɔ nɛ.

Yoshua 18:14 ပူးပေါင်းရင်းမြစ်များ

Yoshua 15:9

Huzu ɔ kple si kɛ ba Neftoa pa a nya, nɛ e tsa nɔ kɛ ya na ma nɛ ngɛ Efron yo ɔ kasa nya a, nɛ e lɔgɔ kɛ ho Baala ya. (Baala biɛ kpa ji Kiriat Yearim.)

Samuel II, 6:2

E kɛ mɛ tsuo ho Baala ya ngɛ Yuda, konɛ a ya ngɔ Mawu somi daka a ngɛ lejɛ ɔ kɛ ba. Somi daka nɛ ɔ, a kɛ Yawɛ Tabohiatsɛ ɔ nɛ ngɛ tsɛ yee ngɛ kerub ɔmɛ a nɔ ɔ biɛ tsɛɔ lɛ.

Yoshua 15:60

Ekomɛ hu ji Kiriat Baal (nɛ a tsɛɛ lɛ Kiriat Yearim ɔ), kɛ Raba. E peeɔ ma enyɔ kɛ a he kɔpehi.

Yoshua 9:17

Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Yoshua 18:13

Huzu ɔ je lejɛ ɔ kɛ nyɛɛ leneyi je kɛ gu Luz nɛ a tsɛɛ lɛ Betel ɔ, kɛ kple si kɛ ho Atarot Adar ya, ngɛ yo ɔ nɛ ngɛ Bet Horon sisi ɔ leneyi je.

Yoshua 18:15

Leneyi je huzu ɔ je Kiriat Yearim ma a nya, nɛ e ma e yi si kɛ ho Neftoa pa a nya ya.

Samuel I, 13:18

kuu enyɔne ɔ gu Bet Horon blɔ, nɛ kuu nɛ ji etɛ ɔ hu gu Geba blɔ, ngɛ huzu ɔ nɛ ngɛ kɛ yaa Zeboim kɔ̃ ɔ mi blɔ ɔ kɛ ho nga a nɔ ya.