Yoshua 18:12 - BAIBLO ALOO NGMAMI KLƆUKLƆU Ɔ

¹² A huzu nɛ ngɛ omleyi je ɔ je Yordan pa a nya, nɛ e kuɔ kɛ ya gu Yeriko kasa nya, ngɛ omleyi je, kɛ nyɛɛ yo ɔmɛ a nɔ kɛ ho bonyoku je ya; nɛ e ya gbe nya ngɛ Betaven zugba kplanaa a nɔ.

Yoshua 18:12 ပူးပေါင်းရင်းမြစ်များ

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Hosea 5:8

Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Yoshua 16:1

Zugba nɛ a ha Yosef nina a, e huzu ɔ je Yordan pa a nya ngɛ Yeriko hanɔ, kɛ Yeriko pa a beleku je, kɛ ya gu nga kplanaa a nɔ, kɛ kuɔ yo ɔ kɛ be Yeriko he, kɛ ya su Betel tɔɔ.

Yoshua 18:11

Sɔ nɛ a fɔ ɔ je Benyamin bi ɔmɛ, nɛ a we puɔ nya amɛ ji kekleekle nihi nɛ a ha mɛ zugba. A zugba a ngɛ Yuda wɛtso ɔ kɛ Yosef wɛtso ɔ a kpɛti.

Yoshua 2:1

Nun bi Yoshua tsɔ slaali enyɔ kɛ je Shitim nigii; nɛ e fa mɛ ke, “Nyɛ ya slaa Kanaan zugba a saminya, titli ɔ Yeriko.” Benɛ slaali ɔmɛ ya su ma a mi ɔ, a ya to yo ajuama ko nɛ a tsɛɛ lɛ Rahab ɔ we mi.

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Yoshua 6:1

A ngmɛ Yeriko agbo ɔmɛ a mi kpɛii, bɔ nɛ pee nɛ Israel bi ɔmɛ ko na blɔ kɛ sɛ ma a mi. Nɔ ko nɔ ko ji kpo ɔ, nɔ ko nɔ ko bɛ mi.

Yoshua 7:2

Yoshua tsɔ nihi kɛ je Yeriko ke a ya slaa Ai nɛ ngɛ Betaven kasa nya, ngɛ Betel beleku je ɔ. Benɛ a kpale kɛ ba a,

Yoshua 8:15

Kɛkɛ nɛ Yoshua kɛ Israel ta a tsuo kulaa pee kaa nɔ́ nɛ a ngɛ mɛ fiee, nɛ a tu fo kɛ pule nga a nɔ blɔ.

Samuel I, 13:5

Filisti bi ɔmɛ bua a he nya, konɛ a kɛ Israel nɛ hwu; a hɛɛ ta zugba lɛ akpe nyingmi etɛ, okpɔngɔ ta buli akpe ekpa, kɛ tabohi babauu nɛ a li nya. A ya bua a he nya ngɛ Mikmash ngɛ Bet Aven beleku je.