Yoshua 18:1 - BAIBLO ALOO NGMAMI KLƆUKLƆU Ɔ

¹ Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Yoshua 18:1 ပူးပေါင်းရင်းမြစ်များ

Samuel II, 7:6

Kɛ je ligbi nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi.

Matsɛmɛ I, 14:2

Yeroboam de e yo ɔ ke, “Mo tsake o he, nɛ nɔ ko kó le kaa ye yo ji mo, nɛ o ya Shilo, he nɛ gbalɔ Ahiya ngɛ ɔ. Lɛ ji nɔ nɛ de mi be ko ke i ma ba ye tsɛ ngɛ Israel ɔ nɛ.

Matsɛmɛ I, 14:4

Yeroboam yo ɔ pee kaa bɔ nɛ e huno ɔ de lɛ ɔ, nɛ e ho Abiya we ɔ mi ya ngɛ Shilo. Abiya bwɔ, nɛ e hɛngmɛ yu.

Matsɛmɛ I, 2:27

Kɛkɛ nɛ Salomo kpa Abiatar osɔfo yemi, nɛ e yi osɔfo ha Yawɛ hu; nɛ nɔ́ nɛ Yawɛ de ngɛ Shilo ngɛ osɔfo Eli, kɛ e nina a he ɔ ba mi.

Nehemia 9:24

Lɔ ɔ he ɔ, a bimɛ ɔmɛ ya nɛ a ya ngɔ zugba a. O jɔɔ Kanaan bi ɔmɛ a he, nɛ o ngɔ mɛ, a matsɛmɛ ɔmɛ, kɛ zugba a tsuo ngɔ wo o ma a dɛ, konɛ a pee mɛ bɔ nɛ a suɔ.

La 78:60

E si e sihi he ɔ nɛ ngɛ Shilo ɔ, bo tsu ɔ nɛ e hi mi ngɛ e ma a kpɛti ɔ.

La 78:66

E wo e he nyɛli ɔmɛ fo kɛ ho kɛ zo; e bɔ mɛ ahlua kɛ yaa neneene.

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 26:9

Mɛni he je lɛ o fiɛ ngɛ Yawɛ biɛ mi ke we nɛ ɔ ma ba pee kaa Shilo ɔ? Mɛni he je lɛ o de ke a ma kpata ma nɛ ɔ hɛ mi, nɛ nɔ ko nɔ ko be mi hie hu ɔ?” Kɛkɛ nɛ ma a tsuo ba bua kɛ wo ye he ngɛ Yawɛ we ɔ.

Yeremia 41:5

nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.

Mose IV, 32:22

nɛ e ma kpɔ zugba a, lɛɛ ke nyɛ kpale nyɛ se kɛ ba a, nyɛ maa ye bemi ngɛ Yawɛ kɛ Israel ma a hɛ mi; nɛ zugba nɛ ɔ maa pee nyɛ blɔ fa mi nɔ́ nɛ Yawɛ ngɔ ha nyɛ.

Ni Tsumi 7:45

Benɛ wa nɛmɛ ɔmɛ a nine su nɔ ɔ, a kɛ Yoshua hɛɛ lɛ kɛ ba je ma amɛ a zugba a nɔ. Zugba nɛ ɔ nɔ nɛ Mawu fie je ma amɛ kɛ je ha wa nɛmɛ ɔmɛ. Hiɛ ɔ bo tsu ɔ hi kɛ ba su David be ɔ mi.

Yoshua 18:2

Jamɛ a be ɔ mi ɔ, e piɛ Israel wɛtso kpaago nɛ a ha we mɛ zugba a eko lolo.

Yoshua 18:8

Ni ɔmɛ nɛ a hla a pue nɔ kɛ ho, konɛ a ya kpa zugba a nɔ, nɛ a pee zugba a he womi kaa bɔ nɛ Yoshua fa mɛ ɔ. Yoshua de mɛ ke, “Nyɛɛ ya nɛ nyɛ ya kpa zugba a tsuo nɔ, nɛ nyɛɛ pee e he womi, konɛ nyɛɛ kpale kɛ ba ye ngɔ. Lɔ ɔ se ɔ, ma fɔ sɔ ha nyɛ ngɛ Shilo hiɛ ɔ, ngɛ Yawɛ hɛ mi.”

Yoshua 19:51

Weto ní nɛ osɔfo Eleazar, Nun bi Yoshua, kɛ Israel wɛtsoyi ɔmɛ dla kɛ ha ma a ji nɛ ɔmɛ nɛ. A fɔ sɔ kɛ bi Yawɛ ga womi, nɛ a dla weto ní nɛ ɔmɛ ngɛ Shilo kpe he bo tsu ɔ sinya a nya. Bɔ nɛ a dla zugba a ha ji nɛ ɔ nɛ.

Yoshua 21:2

ngɛ Shilo, ngɛ Kanaan zugba a nɔ. A kɛ hiami nɛ ɔ ba fɔ a hɛ mi ke, “Yawɛ fa kɛ gu Mose nɔ ke a ha wɔ mahi nɛ waa hi mi, kɛ a he lohwe lɛmi hehi kɛ ha wa we mi lohwehi.”

Yoshua 22:12

Benɛ Israel ma kpekpemi ɔ ba nu sane nɛ ɔ, mɛ tsuo a ya bua a he nya ngɛ Shilo, konɛ a kɛ Ruben bi ɔmɛ, Gad bi ɔmɛ, kɛ Manase wɛtso fa a ya hwu ta.

Yoshua 22:19

Lɔ ɔ he ɔ, ke nyɛ zugba a nɔ hí nɛ́ a ja Mawu ngɛ ɔ, nyɛɛ kpale kɛ ba Yawɛ zugba a nɔ, he nɛ e bo tsu ɔ ngɛ ɔ. Nyɛ ha nɛ a ha nyɛ zugba ko ngɛ wa ngɔ. Nyɛ ko tsɔ atuã kɛ si Yawɛ, nɛ nyɛ ko pee wɔ hu atuã tsɔli kaa nyɛ maa ma bɔ sami la tɛ kpa ko kɛ piɛ Yawɛ, wa Mawu ɔ bɔ sami la tɛ ɔ he.

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.

Manyadali 18:31

Lɔ ɔ he ɔ, a ngɔ amaga a nɛ Mika pee ɔ kɛ ma si, nɛ a ja lɛ ligbi ɔmɛ tsuo nɛ a Mawu we ɔ ngɛ Shilo ɔ.

Manyadali 21:12

A ya na zangmawi lafa eywiɛ nɛ a li nyumu ngɛ Yabesh Gilead bi ɔmɛ a kpɛti, nɛ a kɛ mɛ ba ma a sito he ɔ ngɛ Shilo nɛ ngɛ Kanaan zugba a nɔ ɔ.

Manyadali 21:19

Kɛkɛ nɛ a kai kaa daa jeha a, a yeɔ Yawɛ nyami ligbi ko ngɛ Shilo nɛ ngɛ Lebona kɛ Betel a kpɛti ɔ, ngɛ gbɛjegbɛ ɔ nɛ je Betel kɛ yaa Shekem ɔ beleku je ɔ.

Samuel I, 1:24

Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.