Yoshua 17:4 - BAIBLO ALOO NGMAMI KLƆUKLƆU Ɔ

⁴ Yi nɛ ɔmɛ ba osɔfo Eleazar, Nun bi Yoshua, kɛ ma nimeli ɔmɛ a ngɔ, ba de ke, “Yawɛ fa Mose ke e ha wɔ weto ní kaa bɔ nɛ a ha wa tsɛ nyɛminyumu ɔmɛ ɔ.” Lɔ ɔ he ɔ, kaa bɔ nɛ Yawɛ fa a, a ha mɛ weto ní kaa bɔ nɛ a ha a tsɛ nyɛminyumu ɔmɛ ɔ.

Yoshua 17:4 ပူးပေါင်းရင်းမြစ်များ

Mose IV, 27:1

Ligbi ko ɔ, Zelofehad biyi enuɔ ɔmɛ ngɔ a hiami sane ko kɛ ba fɔ Mose, osɔfo Eleazar, ma nimeli ɔmɛ, kɛ Israel ma kpekpemi ɔ tsuo a hɛ mi ngɛ kpe he bo tsu ɔ sinya a nya. Yi nɛ ɔmɛ a biɛhi ji Mahla, Noa, Hogla, Milka kɛ Tirza, nɛ a je Yosef binyumu Manase wɛtso fa a mi. A nɛ̃ biɛ ji Hefer, nɛ a nɛnɛkasowa ji Gilead, Makir binyumu ɔ. A we amaniɛ ji,

Mose IV, 27:4

Ke wa tsɛ be binyumu ɔ, kɛkɛ e sa kaa e biɛ nɛ laa ngɛ Israel lo? Lɔ ɔ he ɔ, nyɛ ha wɔ hu weto ní ɔ eko kaa wa tsɛ nyɛmimɛ ɔmɛ.”

Mose IV, 36:10

Zelofehad biyi ɔmɛ, Mahla, Tirza, Hogla, Milka, kɛ Noa pee kaa bɔ nɛ Yawɛ fa Mose ɔ, nɛ a gba a tsɛ nyɛminyumuhi a binyumuhi

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Yoshua 14:1

Bɔ nɛ a dla Kanaan zugba a nɛ ngɛ Yordan bonyoku je ɔ ngɔ ha Israel bi ɔmɛ kaa a weto ní ji nɛ ɔ nɛ. Osɔfo Eleazar, Nun binyumu Yoshua, kɛ Israel wɛtsoyi ɔmɛ dla zugba a ngɔ ha ma a.

Yoshua 17:5

Enɛ ɔ he je nɛ Manase na ngwɔhe nyɔngma kɛ piɛ Gilead kɛ Bashan a he ngɛ Yordan pa a beleku je ɔ nɛ.

Yoshua 21:1

Levi nikɔtɔma amɛ ba osɔfo Eleazar, Nun bi Yoshua, kɛ nikɔtɔmahi nɛ ngɛ Israel wɛtso kpa amɛ a mi ɔ a ngɔ