Yoshua 17:2 - BAIBLO ALOO NGMAMI KLƆUKLƆU Ɔ

² Manase wɛtso ɔ nɛ piɛ ɔ, a ha mɛ a weto ní we puɔ nya we puɔ nya ngɛ Yordan bonyoku je. Yosef bi Manase binyumuhi ji nihi nɛ daa si ha Manase we puɔ nya nɛ ɔmɛ. Mɛ ji Abiezer, Helek, Asriel, Shekem, Hefer, kɛ Shemida.

Yoshua 17:2 ပူးပေါင်းရင်းမြစ်များ

Kronika I, 7:18

Gilead nyɛmiyo Hamoleket fɔ binyumuhi etɛ. A biɛhi ji Ishod, Abiezer, kɛ Mahla.

Manyadali 8:2

Se e de mɛ ke, “Nɔ́ nɛ i tsu ɔ, ke a ngɔ kɛ to nyɛ nɔ́ ɔ he ɔ, e pi nɔ ko kulaa! Ní tsumi bɔbɔyoo ɔ nɛ nyɛ Efraim bi nyɛ tsu ɔ, e hiɛ hluu pe nɔ́ nɛ Abiezer bi nɛ ji ye weku li ɔmɛ tsuo tsu.

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Yoshua 17:1

A ngɔ zugba a nɛ ngɛ Yordan pa a bonyoku je ɔ fa ko ngɔ ha we puɔ nya amɛ ekomɛ nɛ ji Yosef binyumu nɔkɔtɔma Manase nina. Akɛnɛ Gilead tsɛ Makir, Manase bitɛte ɔ, tatsɛ kpanaa ji lɛ he je ɔ, a ha lɛ Gilead kɛ Bashan ngɛ Yordan pa a beleku je.

Yoshua 17:3

Manase bi Makir bi ji Gilead, nɛ Gilead bi Hefer bi ji Zelofehad. Zelofehad nɛ ɔ be binyumu; biyihi pɛ e fɔ. A biɛhi ji Mala, Noa, Hogla, Milka, kɛ Tirza.